თქვენ ჩვენი შვილების მომავლისთვის გინდათ საბჭოთა კავშირი, სადაც იჩაგრებიან ადამიანები, და საკუთარი შვილისთვის გინდათ უმაღლესი საუკეთესო განათლება აშშ-ში, - ასე გამოეხმაურა ხათუნა სამნიძე საქართველოს პრემიერ-მინისტრის, ირაკლი ღარიბაშვილის პარლამენტში გაკეთებულ იმ განცხადებებს, სადაც საუბარი პროპაგანდას შეეხებოდა.

როგორც სამნიძემ აღნიშნა, ოჯახის ფასეულობები და ღირებულებები თანასწორობა და ჩაგრულის დაცვაა.

“მე ვიცავ ოჯახის ფასეულობებსა და ქართულ ღირებულებებს, რაც არის თანასწორობა და ჩაგრულის დაცვა. და პროპაგანდა, ნებისმიერი სახით, არის ბოროტება. და რასაც თქვენ დღეს აქ აკეთებდით, ეს არის პროპაგანდა. პროპაგანდა თუ სადმე არის და ჩვენ გეკითხებით სად, უნდა დაასახლოთ ეს ადგილები. ასე ჰაერზე ლაპარაკი, არის პროპაგანდა, ტყუილიც, რადგან თქვენ თავად სწავლობდით საფრანგეთში და თქვენს შვილს ამერიკაში აგზავნით, რადგანაც ძალიან კარგად იცით, რომ უმაღლესი ხარისხის განათლებას მიიღებს. რასაც პოლიტიკაში ვსაუბრობთ და მაღალი ტრიბუნიდან, ისევე უნდა ვცხოვრობდეთ. მე რისიც მჯერა, თანასწორობის, ამას ვასწავლი ჩემს შვილს. თქვენ ჩვენი შვილების მომავლისთვის გინდათ საბჭოთა კავშირი, სადაც იჩაგრებიან ადამიანები, და საკუთარი შვილისთვის გინდათ უმაღლესი საუკეთესო განათლება აშშ-ში. ეს არის ფარისევლობა და პროპაგანდა, მეტი არაფერი”, - განაცხადა სამნიძემ.

ავტორი: ექსპრესნიუსი,

სოციალური ქსელები

უკრაინის საჰაერო ძალებს არ მიუღიათ წინასწარი ინფორმაცია კიევის დაბომბვისას

ტრამპი ცდილობს, უკრაინა კაპიტულაციაზე აიძულოს, — The Atlantic

ფინეთმა ევროკავშირს შესთავაზა, რომ ომის დასრულებამდე რუსებისთვის ტურისტული ვიზების სრული აკრძალვა დაწესდეს

ნატომ პირობა დადო, რომ რუსეთის თავდასხმის შემთხვევაში, თავდამსხმელის ძალები სრულად განადგურდება