საქართველოს პარლამენტის შენობაში დღეს დაშვების შეზღუდული რეჟიმი იმოქმედებს. აღნიშნული ინფორმაცია საკანონმდებლო ორგანოს პრესსამსახურმა ცოტა ხნის წინ გაავრცელა.

პრესსამსახურის ცნობით, შეზღუდვის მიზანი დეპუტატებისა და აპარატის თანამშრომლების უსაფრთხოების დაცვაა.

"30 ივნისს, საქართველოს პარლამენტის სასახლეში და მიმდებარე ტერიტორიაზე უსაფრთხოების დაცვის რეჟიმის შესახებ საქართველოს პარლამენტის თავმჯდომარის 2016 წლის 30 დეკემბრის N259/3 ბრძანებით დადგენილი რეგულაციების შესაბამისად, იმოქმედებს პარლამენტის შენობაში დაშვების შეზღუდული რეჟიმი, გარდა აკრედიტებული საპარლამენტო მედიის წარმომადგენლებისა.

აღნიშნული ღონისძიების მიზანია, საქართველოს პარლამენტის წევრებისა და აპარატის თანამშრომლების უსაფრთხოების დაცვა და სამუშაო პირობების უზრუნველყოფა",- ნათქვამია გავრცელებულ ინფორმაციაში.

ცნობისთვის, დღეს, 30 ივნისს პარლამენტში საქართველოს პრემიერ-მინისტრს, ირაკლი ღარიბაშვილს ელოდებიან. მთავრობის მეთაური კანონმდებლების წინაშე ყოველწლიური მოხსენებით წარსდგება.

ავტორი: ექსპრესნიუსი,

სოციალური ქსელები

„ვასო აბაშიძის სახელობის მუსიკისა და დრამის თეატრთან” დავით დოიაშვილის გათავისუფლების შემდეგ მსახიობები შეიკრიბნენ

დიქტატურაა, ეს არის პასუხი მანიფესტზე - სოფო ნიჟარაძე ახალ თეატრში მივიდა

სასამართლომ საგამოძიებო კომისიაზე გამოუცხადებლობის გამო ზურაბ ჯაფარიძეს 20 000-ლარიანი გირაო შეუფარდა

ტრამპმა რუსული გემებისთვის აშშ-ს პორტებში შესვლის აკრძალვა კიდევ ერთი წლით გაახანგრძლივა