აშშ მიესალმება პრეზიდენტ ზურაბიშვილის გადაწყვეტილებას ნიკა გვარამიას შეწყალების თაობაზე,- ამის შესახებ საქართველოში ამერიკის შეერთებული შტატების ელჩმა, კელი დეგნანმა განაცხადა.

როგორც დეგნანმა მედის წარმომადგენლებს უთხრა, შეწყალების გადაწყვეტილება დეპოლარიზაციაში წვლილს შეიტანს.

"ეს საქმე პრობლემატური იყო დასაწყისიდანვე და აძლიერებდა პოლარიზაციას, რომელიც ზიანს აყენებს საქართველოს უკვე რამდენიმე წელია. პრეზიდენტის გადაწყვეტილება წვლილს შეიტანს დეპოლარიზაციაში და შეამცირებს დაყოფას საზოგადოებაში, იმ დაყოფას, რომელიც მხოლოდ რუსეთს აძლევდა ხელს. ახლა საქართველოში არ არის დაყოფის დროს, ახლა არის გაერთიანების დრო და პრეზიდენტ ზურაბიშვილის გადაწყვეტილება ამას ხელს შეუწყობს",- აცხადებს დეგნანი.

შეგახსენებთ, გუშინ, 22 ივნისს საქართველოს პრეზიდენტმა, სალომე ზურაბიშვილმა "მთავარი არხის" გენერალური დირექტორი ნიკა გვარამია შეიწყალა. გვარამიას თბილისის საქალაქო სასამართლომ 3 წლითა და 6 თვით პატიმრობა 2022 წლის 16 მაისს შეუფარდა. 2 ნოემბერს თბილისის სააპელაციო სასამართლომ „მთავარი არხის“ გენერალური დირექტორი პატიმრობაში დატოვა. 19 ივნისს კი, უზენაესმა სასამართლომ გვარამიას სარჩელი დაუშვებლად ცნო. 

ავტორი: ექსპრესნიუსი,

სოციალური ქსელები

უკრაინის საჰაერო ძალებს არ მიუღიათ წინასწარი ინფორმაცია კიევის დაბომბვისას

ტრამპი ცდილობს, უკრაინა კაპიტულაციაზე აიძულოს, — The Atlantic

ფინეთმა ევროკავშირს შესთავაზა, რომ ომის დასრულებამდე რუსებისთვის ტურისტული ვიზების სრული აკრძალვა დაწესდეს

ნატომ პირობა დადო, რომ რუსეთის თავდასხმის შემთხვევაში, თავდამსხმელის ძალები სრულად განადგურდება