საქართველოდან წასვლისას მინდა ყველას გისურვოთ მშვიდობა, ჰარმონია და ერთიანობა, წარმატებები, ბედნიერება და კეთილდღეობა,- აღნიშნულის შესახებ  საქართველოში უკრაინის ელჩის მოვალეობის შემსრულებელი ანდრეი კასიანოვი სოციალურ ქსელში წერს.

კასიანოვის თქმით, საქართველოსა და უკრაინის ევროკავშირსა და NATO-ში გაწევრიანების სტრატეგიული მიზანი უახლოესი მომავლის საკითხია.

"ძვირფასო მეგობრებო, ძმურ და სტუმართმოყვარე საქართველოში დრო უაღრესად სწრაფად გადის და ძნელი წარმოსადგენია, რომ პირველად 4 წლის წინ დავდგი ფეხი თბილი და სტუმართმოყვარე ბათუმის სანაპიროზე.

წლების განმავლობაში ვცდილობდი ყველაფერი გამეკეთებინა უკრაინასა და საქართველოს შორის მეგობრული და ურთიერთსასარგებლო ურთიერთობების განსამტკიცებლად და განსავითარებლად.
რუსეთის მიერ უკრაინის წინააღმდეგ გაჩაღებულმა სასტიკმა ომმა კიდევ უფრო გააძლიერა ჩვენი ხალხების მეგობრობა და კიდევ უფრო გაგვაერთიანა საერთო მტრისა და ოკუპანტის - ფაშისტური რუსეთის წინააღმდეგ.

მთელი ჩემი ცხოვრება, ქართველ მოხალისეების მამაცური და სულიერი სწრაფვა, სიმკაცრე და გამბედაობა, რომლებიც იარაღით ხელში ირჩევენ ჩვენი ქვეყნების თავისუფლებას და დამოუკიდებლობას და ათიათასობით უკრაინელის მეხსიერებაში, რომლებმაც იძულებით დატოვეს სახლები რუსი ოკუპანტების ზეწოლის ქვეშ, სამუდამოდ დარჩება ქართველი ხალხის სითბო და სტუმართმოყვარეობა, რომელმაც მათ თავშესაფარი გაუწია, უზრუნველყო უკრაინელი ბავშვების ღირსეული ცხოვრება და სწავლის პირობები.

იმ უკრაინელებისთვის, რომლებიც უკრაინის მშვიდობიან მხარეში დარჩნენ და იარაღით ხელში აგრძელებენ ბრძოლას ჩვენი საერთო მტრის წინააღმდეგ, ქართული გულის სითბო და ქართული სულის შუქი, თქვენი ასობით ელექტრო გენერატორისა და ტონა ჰუმანიტარული ტვირთის წყალობით მოვიდა.

ჩემი ოჯახი თან ატარებს ძმური საქართველოს სითბოს და სიკეთეს, რადგან აქ, საქართველოში, ჩვენი ბევრი მეგობრის გარემოცვაში დარჩება ჩვენი უკრაინული ოჯახი, ჩვენი უკრაინელი ხალხის ადათ-წესებისა და ტრადიციების ნაწილი.

საქართველოდან წასვლისას მინდა ყველას გისურვოთ მშვიდობა, ჰარმონია და ერთიანობა, წარმატებები, ბედნიერება და კეთილდღეობა!

მე მტკიცედ ვარ დარწმუნებული, რომ უკრაინასა და საქართველოს არა მხოლოდ საერთო ისტორია აქვთ, არამედ საერთო ნათელი მომავალი ევროპული ხალხების ერთიან მეგობრულ ოჯახში და ჩვენი ქვეყნების ევროკავშირსა და NATO-ში გაწევრიანების სტრატეგიული მიზანი უახლოესი მომავლის საკითხია!",- წერს კასიანოვი.

ავტორი: ექსპრესნიუსი,

სოციალური ქსელები

პაპისგან ფილტვის კვანძის ამოღების ოპერაცია წარმატებით დასრულდა

Reuters: აფეთქებები მოხდა Saudi Aramco-ს შტაბ-ბინის ტერიტორიაზე

Axios: ისრაელი და აშშ, უთანხმოების მიუხედავად, ირანთან ომის შესაძლო განახლებისთვის ემზადებიან

Politico - აშშ-მ უამინდობის გამო სისტემური გაუმართაობის გამო უკრაინა სარაკეტო დარტყმის შესახებ არ გააფრთხილა