მე და რომან გოცირიძეს ახალი პოლიტიკური ჯგუფის დარეგისტრირების საშუალება არ მოგვცეს,- აღნიშნულის შესახებ ოპოზიციონერმა დეპუტატმა, ხატია დეკანოიძემ განაცხადა.

დეკანოიძის შეფასებით, უარი საპროცედურო კომიტეტმა კანონის საწინააღმდეგოდ განმარტა.

"როგორც საპროცედურო კომიტეტმა სრულიად კანონის საწინააღმდეგოდ განმარტა, მე და ბატონ რომანს, ამ შემთხვევაში, ახალი პოლიტიკური ჯგუფის დარეგისტრირების საშუალება არ მოგვცეს, რაც იმას გულისხმობს, რომ რა თქმა უნდა, მათ შეეშინდათ კიდევ ერთი პოლიტიკური ჯგუფის საქართველოს პარლამენტში და გარდა ამისა, თქვენ იცით, რომ პოლიტიკური ჯგუფი ითვალისწინებს დამატებით ბერკეტებს, დამატებითი დროის გამოყენებას ოპოზიციის მიერ",- განაცხადა დეკანოიძემ.

როგორც ოპოზიციონერმა დეპუტატმა, რომან გოცირიძემ აღნიშნა, შესაძლებელი ყოფილა, რომ „ქართულმა ოცნებიდან“ გამოყოფილებმა შექმნან პოლიტიკური ჯგუფი და „ნაციონალური მოძრაობიდან“ გამოყოფილებმა - არა.

„თურმე, შესაძლებელი ყოფილა, რომ „ქართულმა ოცნებიდან“ გამოყოფილებმა შექმნან ფრაქცია თუ პოლიტიკური ჯგუფი და „ნაციონალური მოძრაობიდან“ გამოყოფილებმა არა. ეს არის აბსურდი. კიდევ ერთხელ აჩვენებს ამ ხელისუფლების ბუნებას, რომ არ უნდათ იოტისოდენა ისეთი ბერკეტი შექმნან, რომელიც მათ ძალაუფლების დასუსტებას შეუწყობს ხელს. როგორადაც არ უნდა მოიქცნენ ამ პარლამენტში, ჩვენი ხმა ყოველთვის იქნება ძალიან მაღალი და ყოველთვის ვამხელთ, ყოველთვის ვიტყვით იმას, რაც ხალხს უნდა და არა იმას, რაც „ქართულ ოცნებას“ და ბიძინა ივანიშვილს უნდა“,- განაცხადა გორიძემ.

საპროცედურო საკითხთა და წესების კომიტეტის თავმჯდომარის, ირაკლი ქადაგიშვილის განმარტებით, პოლიტიკური ჯგუფების შექმნის უფლება აქვს დეპუტატებს, რომლებიც პარლამენტში ერთი პარტიის სიით მოხვდნენ და შემდეგ პარტია დატოვეს. ხოლო არსებული რეგლამენტით, ეს შესაძლებლობა არ ვრცელდება საარჩევნო ბლოკის სიით გასულ იმ დეპუტატებზე, რომელთა პარტიასაც პარლამენტში ფრაქცია აქვს შექმნილი. 

ცნობისთვის, 4 მაისს, ოპოციზიონერმა დეპუტატმა, რომან გოცირიძემ სოციალურ ქსელში გაავრცელა ინფორმაცია, რომ ხატია დეკანოიძესთან ერთად პარლამენტში პოლიტიკურ ჯგუფს ქმნიდა.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ უკრაინამ კვლავ ვერ მიიღო მოკავშირეებისგან გაფრთხილება კიევზე სარაკეტო დარტყმის შესახებ - სამი ადამიანი დაიღუპა.

პაპისგან ფილტვის კვანძის ამოღების ოპერაცია წარმატებით დასრულდა

Reuters: აფეთქებები მოხდა Saudi Aramco-ს შტაბ-ბინის ტერიტორიაზე

Axios: ისრაელი და აშშ, უთანხმოების მიუხედავად, ირანთან ომის შესაძლო განახლებისთვის ემზადებიან