2023-05-05 09:15:32, 2567 ნახვა
სპეციალური ანონსი
სალომე ზურაბიშვილი მეფე ჩარლზ III-ის კორონაციის ცერემონიას დაესწრება
საქართველოს პრეზიდენტი სალომე ზურაბიშვილი 5 მაისს სამუშაო ვიზიტით დიდი ბრიტანეთისა და ჩრდილოეთ ირლანდიის გაერთიანებულ სამეფოს ეწვევა და ლონდონში მეფე ჩარლზ III-ის კორონაციის ცერემონიას დაესწრება. აღნიშნულის შესახებ ინფორმაციას პრეზიდენტის ადმინისტრაცია ავრცელებს.
მათივე ცნობით, საქართველოს პრეზიდენტი მონაწილეობას მიიღებს მიღებაში, რომელიც ბუკინგემის სასახლეში გაერთიანებული სამეფოს მეფე ჩარლზ III-ისა და დედოფალ კონსორტის სახელით ცერემონიაზე მიწვეული უცხო ქვეყნის ლიდერების პატივსაცემად გაიმართება.
ავტორი: ექსპრესნიუსი,
epn.ge (@expressnews.ge)
