აბსტრაქტულად საუბარი, რომ აფასებს ქალებს, ბავშვებს და ოჯახებს, ეს არის მორიგი სიყალბე,- ასე ეხმაურება "ლელოს" დეპუტატი ანა ნაცვლივილი საქართველოს მთავრობის მეთაურის, ირაკლი ღარიბაშვილის ბუდაპეშტში, კონსერვატიული პოლიტიკური მოქმედების ყოველწლიურ კონფერენციაზე (CPAC) სიტყვით გამოსვლას.

ნაცვლიშვილის განცხადებით, პრემიერ-მინისტრი ბუდაპეშტიდან განცხადებების გაკეთების ნაცვლად, თბლისში აქონდროპლაზიის სინდრომის მქონე ბავშვებს წამლით უნდა დაეხმაროს.

"ბუდაპეშტში საუბარს ოჯახზე, დედებზე, ბავშვებზე და ასეთ კარგ რაღაცებზე, ურჩევნია 20 ნაბიჯი ჩამოიაროს თავისი კაბინეტიდან და მისი კაბინეტის წინ მეორე კვირაა, დედები, რომლებმაც ოჯახები დატოვეს და შვილების გადასარჩენად იძულებული არიან, ღამე ათიონ კანცელარიის წინ. აი, მანდ რომ გაიხსენოს ოჯახის სიწმინდე და ის, რომ ქალი სახლში უნდა იყოს ბავშვთან, კარგი იქნება. აბსტრაქტულად საუბარი, რომ აფასებს ქალებს, ბავშვებს და ოჯახებს, ეს არის მორიგი სიყალბე",- ამბობს ნაცვლიშვილი.

შეგახსენებთ, საქართველოს პრემიერ-მინისტრმა, ირაკლი ღარიბაშვილმა ბუდაპეშტში, კონსერვატიული პოლიტიკური მოქმედების ყოველწლიურ კონფერენციას (CPAC) სიტყვით დღეს, 4 მაისს მიმართა.

ავტორი: ექსპრესნიუსი,

სოციალური ქსელები

მოსკოვმა ღამით დრონებით თითქმის 500 თავდასხმა დააფიქსირა, ოთხმა აეროპორტმა კი ფუნქციონირება შეაჩერა

უკრაინულმა დრონებმა სარატოვის ოლქში, თავდასხმა განახორციელეს, სადაც Sberbank-ის მონაცემთა ცენტრი მდებარეობს

ალიევის მწვავე კრიტიკის ტალღა ანკარაში აზერბაიჯანის საელჩოსა და სტამბოლში მდებარე საკონსულოს წინ გაიმართა

განხეთქილება აზერბაიჯანსა და თურქეთს შორის- პარლამენტმა თურქეთის პოლიტიკურ ელიტას მოუწოდა შეწყვიტოს ბაქოზე თავდასხმები