2023-05-03 22:18:08, 804 ნახვა
პოლიტიკა
პეტრი „ლგბტ პროპაგანდის“ აკრძალვაზე - თუ ასეთი კანონი მიიღება, ეს საქართველოს ევროპულ გზაზე ნამდვილი დაბრკოლება იქნება
თუ ასეთი კანონი მიიღება, ეს იქნება ნამდვილი დაბრკოლება საქართველოს ევროპულ გზაზე, - ასე გამოეხმაურა გერმანიის ბუნდესტაგის ევროპის საკითხთა კომიტეტის წევრი, კრისტიან პეტრი "ევროპელი სოციალისტების" დეპუტატის, ფრიდონ ინჯიას განცხადებას, რომელმაც პარლამენტში განაცხადა, რომ "ლგბტ პროპაგანდა" უნდა აიკრძალოს.
მისივე თქმით, თავისუფლება უნდა ჰქონდეს ყველა ადამიანს, განურჩევლად მისი შეხედულებისა და ეს უნდა მოხდეს ყოველგვარი დისკრიმინაციის გარეშე.
"ქვეყანა იმით ფასდება, თუ როგორ ექცევა სხვადასხვა ჯგუფს. თავისუფლება უნდა ჰქონდეს ყველა ადამიანს, განურჩევლად მისი შეხედულებებისა. ეს უნდა იყოს დისკრიმინაციის გარეშე, თუ ასეთი კანონი მიიღება, ეს იქნება ნამდვილი დაბრკოლება საქართველოს ევროპულ გზაზე", - განაცხადა კრისტიან პეტრიმ.
ავტორი: ექსპრესნიუსი,
epn.ge (@expressnews.ge)
