IRI კარგი ორგანიზაციია, მაგრამ კვლევები არ არის მათი ძლიერი მხარე - ჩემმა ხაბემ რომ დაიჯეროს მათი რეიტინგები, სად მიდიან მერე?! - ამის შესახებ „ქართული ოცნების“ დეპუტატმა, ირაკლი ზარქუამ პარლამენტის პლენარულ სხდომაზე განაცხადა.

როგორც ზარქუამ სიტყვით გამოსვლისას აღნიშნა, IRI-მ კვლევებით ავტორიტეტი შეილახა.

„მინდა, IRI-ის კვლევას შევეხო. კარგი ორგანიზაცია, აფინანსებენ ტრენინგებს, მეც ვყოფილვარ, მაგრამ ეს კვლევები არ არის თქვენი ძლიერი მხარე, შეეშვით, თქვე დალოცვილებო. 30%-იანი ცდომილება როგორ უნდა დაწერო... მოსახლეობამ ვიცით, ვის როგორი რეიტინგი აქვს და მესამე ვადით სწორედ ამიტომ ვართ. ოპოზიციას რომ არ აქვს თვითდაჯერებულობა, შუალედურ არჩევნებში გამოჩნდა. ვერცერთში მიიღეს მონაწილეობა. მე სხვა რამეზე ვწუხვარ. ჩემმა ხაბემ რომ დაიჯეროს ეს მართლა და მერე, არჩევნების დროს რომ მიიღოს 30-40%-იანი სხვაობა, ფრუსტრაცია რომ დაემართოს ამ კაცს, სად მიდიხართ მერე? არ გრცხვენიათ? რატომ აკეთებთ ამას? დღეს ისეთი ტექსტი ჰქონდა ჩემს ხაბეს, 14%-იანი პარტიის ლიდერს, თქვა - მოვედი და დაეტყო პარტიასო. რატომ აკეთებთ ამას? შეცდომაში შეყვანა უნდა რადიკალურ ოპოზიციას? ისედაც ერთმანეთს კომპიუტერებს ართმევენ, ისე გაკოტრდნენ ყველანაირად - მორალურადაც და პოლიტიკურადაც. IRI-ის მივმართავ, არ არის ეს თქვენი საქმე, კონცენტრირდით, წაგიყვანთ წალენჯიხაში, უამრავი თემაა, ახალგაზრდები გადავამზადოთ, შეგიძლიათ, კარგი პროგრამები გაქვთ. არ არის ეს კვლევა თქვენი თემა, მერამდენედ უნდა შეილახოთ ავტორიტეტი. ქალბატონმა დეგნანმა იცის ეს კვლევები თუ უმალავენ? ამაზე უნდა გააკეთოს რეაგირება. ხაბე მზარდია შენი რეიტინგი, მაგრამ მთლად 14-მდე არ არის, ბიჭო, არ დაიჯერო“,- განაცხადა ირაკლი ზარქუამ სიტყვით გამოსვლისას.

ავტორი: ექსპრესნიუსი,

სოციალური ქსელები

ზელენსკის მრჩეველმა განაცხადა, რომ SpaceX-მა უკრაინაში Starlink-ის ოპერაციები გაფრთხილების გარეშე შეზღუდა

რუსეთმა გუშინ ღამით უკრაინას 39 ბალისტიკური რაკეტა დაარტყა- 39 ადამიანი დაიჭრა, აქედან 2 ბავშვი

მოსკოვმა ღამით დრონებით თითქმის 500 თავდასხმა დააფიქსირა, ოთხმა აეროპორტმა კი ფუნქციონირება შეაჩერა

უკრაინულმა დრონებმა სარატოვის ოლქში, თავდასხმა განახორციელეს, სადაც Sberbank-ის მონაცემთა ცენტრი მდებარეობს