კვლავაც ვითხოვთ მტკიცებულებების წარმოდგენას, თუმცა ხედავთ, რომ დღემდე ელჩი არ თვლის ქართველ საზოგადოებას ღირსად, წარმოუდგინოს მას მტკიცებულებები, რომ ეს დაკავშირებულია 4 მოსამართლის დასანქცირებასთან,- ამის შესახებ "ქართული ოცნების" თავმჯდომარემ, ირაკლი კობახიძემ განაცხადა.

კობახიძის თქმით, მტკიცებულებების გარეშე, ქართველი მოსამართლეების დასანქცირება შეუძლებელია.

"ჩვენ კვლავაც ვითხოვთ მტკიცებულებების წარმოდგენას, თუმცა ხედავთ, რომ დღემდე ელჩი არ თვლის ქართველ საზოგადოებას ღირსად, წარმოუდგინოს მას მტკიცებულებები, რომ ეს დაკავშირებულია 4 მოსამართლის დასანქცირებასთან, რაც ჩვენთვის, ბუნებრივია, კატეგორიულად მიუღებელია. ეს არის არასწორი დამოკიდებულება ქართული საზოგადოების მიმართ, საქართველოს ხელისუფლების მიმართ. არ შეიძლება, მტკიცებულებების გარეშე, ქართველი მოსამართლეების დასანქცირება. ეს არის ჩვენი პრინციპული პოზიცია, აქედან გამომდინარე, კვლავაც პრინციპულად ვითხოვთ მტკიცებულებებს მისი მხრიდან, თუმცა დღემდე არის დუმილი ამასთან დაკავშირებით",- განაცხადა კობახიძემ.

შეგახსენებთ, დღეს, 19 აპრილს პარლამენტში მოსამართლეებთან დაკავშირებით, დროებითი საგამოძიებო კომისიის შექმნის საკითხზე კენჭისყრა ვერ გაიმართა. პლენარულ სხდომაზე კვორუმი არ შედგა, რადგან "ქართული ოცნების" დეპუტატებმა რეგისტრაცია არ გაიარეს.

აღსანიშნავია, რომ 18-19-20 აპრილს საკანონმდებლო ორგანოში დროებითი საგამოძიებო კომისიის შექმნის საკითხზე კენჭისყრა ასევე კვორუმის არ არსებობის გამო არ გაიმართა. 

მოსამართლეებთან დაკავშირებით, დროებითი საგამოძიებო კომისიის შექმნას საპარლამენტო ოპოზიცია ითხოვს. აღნიშნული საკითხი დღის წესრიგში მას შემდეგ დადგა, რაც ამერიკის შეერთებულმა შტატებმა 4 ქართველ მოსამართლეს სანქციები დაუწესა. 

ავტორი: ექსპრესნიუსი,

სოციალური ქსელები

მოლდოვას პარლამენტის თავმჯდომარემ საქართველოს ხელმძღვანელობა შურში დაადანაშაულა

გიორგი შარაშიძე – დღეს იქნება თუ ხვალ, „ოცნება“ აგებს ძალიან მწარედ პასუხს იმაზე, რასაც აკეთებს, ეს დრო არც თუ ისე შორსაა

უსახელოური, ალექსანდროული - რაჭა-ლეჩხუმში რთველი დაიწყო

ვიქტორ ყიფიანი - პარტიების აკრძალვით ქვეყანაში მოვლენების რადიკალიზაციამდეც მანძილი მკვეთრად მცირდება.