კიევ-პეჩორის ლავრიდან მოსკოვის საპატრიარქოს წარმომადგენლებს გააქვთ ყველაფერი რისი გატანაც შეიძლება, მათ შორის ხატები. - ამის შესახებ, უკრაინული მედია იუწყება. 

ჟურნალისტებმა შენიშნეს, რომ კიევ-პეჩორის ლავრაში ხატები გაქრა. ყოველ შემთხვევაში, იმ ადგილებში, სადაც ხატები ეკიდა, ახლა ისინი აღარაა.

რადიო თავისუფლების ცნობით, ნაკრძალის შორეული გამოქვაბულებიდან გასასვლელში აშკარად ჩანს ხატების მიმაგრება და ის ადგილი, სადაც ისინი ეკიდნენ. ჟურნალისტებმა რამდენიმე მღვდელს ჰკითხეს, სად წავიდა ხატები - არცერთმა არ უპასუხა.

„ამავდროულად, სხვა მამებმაც თქვეს, რომ ნაკრძალიდან ყველაფრის გატანას გეგმავენ, გარდა სიწმინდეებისა, რადგან მთელ ქონებას, მათ შორის ხატებს, უოკ-დეპუტატის საკუთრებად თვლიან“, - აღნიშნეს ჟურნალისტები.

კულტურის სამინისტრომ განაცხადა, რომ მოსკოვის საპატრიარქოს წარმომადგენლებმა დაიწყეს კიევ-პეჩორის ლავრის დატოვება.

UNIAN-ის კორესპონდენტის ცნობით, ამის შესახებ უკრაინის კულტურისა და საინფორმაციო პოლიტიკის მინისტრმა ალექსანდრე ტკაჩენკომ ტელეთელონზე ისაუბრა.

„ფაქტობრივად, უოკ-დეპუტატის ბერების გასვლის პროცესი კიევ-პეჩერსკის ლავრიდან მიმდინარეობს, ამის დამოწმება ნებისმიერ გამვლელს შეუძლია, გამოაქვთ მაგიდები, სკამები, ქვაბები. თუმცა, უწყებათაშორისი კომისია. ახლა მუშაობს, რომელიც უნდა დაფიქსირდეს მოძრავი და უძრავი ქონების მდგომარეობის შენარჩუნების შესახებ. ისინი ლავრას ტოვებენ, მიუხედავად განცხადებებისა, რომ გუმბათები გაშავდა ან ლავრის გამოქვაბულები სამუდამოდ გადაკეტილია“, - განაცხადა ტკაჩენკომ.

გასული წლის დეკემბერში კიევ-პეჩორის ლავრის მიტროპოლიტმა პაველ ლებედმა უკრაინის პრეზიდენტს, ვოლოდიმირ ზელენსკის, თხოვნით მიმართა, არ ჩამოართვას უკრაინის მართლმადიდებლურ ეკლესიას, (УПЦ (МП) რომელსაც კიევი მოსკოვის საპატრიარქოს დაქვემდებარებულად მიიჩნევს, ლავრის ტერიტორიაზე არსებული ორი ტაძარი. შესაბამისი თხოვნით მიტროპოლიტმა ვიდეომიმართვა გაავრცელა.

გასულ შემოდგომაზე უკრაინის სამართალდამცავმა სტრუქტურებმა უკრაინის მართლმადიდებელი ეკლესიის ობიექტებში ჩხრეკა დაიწყეს. ეკლესიამ დამოუკიდებლობა გამოაცხადა, მაგრამ ფორმალურად კვლავაც რჩება რუსეთის მართლმადიდებელი ეკლესიის სტრუქტურაში. იტყობინებიან, რომ საგამოძიებო ღონისძიებების დროს, მათ შორის კიევ-პეჩორის ლავრის ტაძრებში, იპოვეს „დიდი რაოდენობით ანტიუკრაინული მასალა“, ასევე დოკუმენტები, რომლებიც ადასტურებს, რომ ეპარქიის სტრუქტურების ხელმძღვანელებს რუსეთის მოქალაქეობა აქვთ.

უკრაინაში სისხლის სამართლის საქმე აღიძრა კიევ-პეჩორის ლავრის წინამძღვრის, მოსკოვის საპატრიარქოს უკრაინის მართლმადიდებელი ეკლესიის მიტროპოლიტის, პავლეს (ერისკაცობაში პეტრე ლებედის) წინააღმდეგ. მას ბრალად ედება "მოქალაქეთა თანასწორობის დარღვევა მათი რელიგიური მრწამსის გაუთვალისწინებლად."

საქმე მიტროპოლიტის საშობაო ქადაგებასთან დაკავშირებით აღიძრა. ქადაგებისას მან განაცხადა, რომ უკრაინის ხელისუფლებამ მოაწყო ადგილობრივი მართლმადიდებლური ეკლესიის დევნა და "ნამდვილი დემონი“ უწოდა კიევისა და სრულიად უკრაინის მიტროპოლიტ ფილარეტს. 

ამიერიდან მშვიდად გარდავიცვლები, კიევ-პეჩორის ლავრა უბრუნდება თავის პატრონს, უკრაინელ ერს! "აწ განუტევე მონაი შენი, მეუფეო" - სრულიად უკრაინის საპატიო პატრიარქი ფილარეტი

"ჩვენმა ხელისუფლებამ მიიღო უპრეცედენტოდ მნიშვნელოვანი გადაწყვეტილება, აღსრულდა ისტორიული სამართლიანობა, კიევ-პეჩორის დიდი ლავრა უბრუნდება თავის პატრონს, უძლეველ უკრაინელ ერს! ხარობენ ჩვენი გმირები მიწაზე და ზეცაში, კიევის ქვაბებში ამიერიდან იგალობებენ, იმსახურებენ და განადიდებენ უფალს მხოლოდ უკრაინულ ენაზე, ჩვენს მშობლიურ ენაზე…

ჩემი მთელი შეგნებული ცხოვრების ნატვრა ასრულდა, პეჩორი დავიბრუნეთ, ეს დასაწყისია სხვა დაკარგული ტერიტორიების დაბრუნებისა, ჩვენ დავიბრუნებთ ყირიმს, დონბასს, ლუგანსკსა და ყველა დაკარგულ ქალაქსა თუ სოფელს!

მართალია, მე უკრაინის ეკლესიის ავტოკეფალია უფრო სხვანაირად წარმომედგინა, მაგრამ მთავარი აქ იდეაა, იდეა თავისუფლებისა, რომელიც მოგვანიჭა ჩვენმა დედა ეკლესიამ კონსტანტინეპოლმა, რომელსაც ამდენი ხანი ველოდით.

რაც შემეხება მე, რატომ არ დავთმე საპატრიარქო ტიტული - ამას ისტორია განსჯის, მე ასე ვხედავ, რომ უკრაინას უნდა ჰქონდეს საპატრიარქო პატივი, რაც კიდევ უფრო ძლიერი სილის გაწნა იქნებოდა მოსკოვის საპატრიარქოსთვის, მაგრამ ეს დროის საკითხია, ნაბიჯები უკვე გადაიდგა და მე ამაში მაქვს წვლილი, აწი მშვიდად გარდავიცვლები, რაც მსურდა, ახდა, კიევ-პეჩორი დაუბრუნდა უკრაინას, მე კი ვგალობ ღვთის წინაშე: "აწ განუტევე მონა შენი მეუფეო", - განაცხადა ქადაგებისას უწმიდესმა სრულიად უკრაინის საპატიო პატრიარქმა ფილარეტმა.

საქართველოს საპატრიარქოს პოზიცია მოსკოვისკენაა

საქართველოს კათოლიკოს-პატრიარქმა მსოფლიო პატრიარქს სამშვიდობო მისიით ჩარევა სთხოვა კიევის გადაწყვეტილების წინააღმდეგ, რაც УПЦ-სთვის იჯარის ხელშეკრულების შეწყვეტას უკავშირდება.

„უკრაინის მართლმადიდებელი ეკლესია მრავალი მხრიდან ძალიან მძიმე მდგომარეობაში აღმოჩნდა“, - წერს ილია მეორე მსოფლიო პატრიარქს.

„პირველ რიგში, გვსურს, კიდევ ერთხელ გამოვხატოთ ჩვენი დიდი გულისტკივილი რუსეთ-უკრაინის ომის გამო, რასაც სამშობლოს დამცველ ჯარისკაცთა და ათასობით უდანაშაულო ადამიანის სიცოცხლე ეწირება. ჩვენ ეს პროცესები გავიარეთ და კარგად გვესმის იქ არსებული ვითარების სიმძიმე. ზემოთქმულთან ერთად, ვწუხვართ უკრაინის მართლმადიდებელ ეკლესიაში ამჟამად არსებული მდგომარეობის გამოც“, - ასე იწყებს საქართველოს პატრიარქი 25 მარტით დათარიღებულ წერილს, რომელიც საპატრიარქოს ოფიციალურ ვებსაიტსა და ფეისბუკგვერდზეა გამოქვეყნებული.

წუხილი ეხება იმ ფაქტს, რომ „ომში მყოფ უკრაინის ხელისუფლებას აქვს თავისი პოზიცია და რელიგიურ სიღრმეებს ნაკლებად ითვალისწინებს“ და „დღეს არსებული მდგომარეობით, მიტროპოლიტ ონოფრეს ჩამოერთვა კიევ-პეჩორის ლავრა, პრობლემებია მის იურისდიქციაში არსებულ სხვა ეკლესია-მონასტრებთან დაკავშირებითაც“.

ვითარების აღწერისას, პატრიარქი წერს, რომ „უნეტარესი ონოფრე სინოდალური გადაწყვეტილებით გაემიჯნა რუსეთის ეკლესიას და გარკვეული ნაბიჯებიც გადადგა მოლაპარაკებებისათვის“, ხოლო „ამა თუ იმ საეკლესიო საკითხისადმი ერთგულება საუკუნეების განმავლობაში აღიარებული სულიერი ცხოვრების წესის დაცვით არის განპირობებული და სულაც არ ნიშნავს სხვა ეკლესიის უპირობოდ მორჩილებას“.

ილია მეორე ბართლომეს სთხოვს, ხელი შეუწყოს „დაძაბულობის განმუხტვას“, რაც „პირველ ეტაპზე გულისხმობს მშვიდობიანი თანაცხოვრების პირობების შექმნას, შემდგომ კი, - ურთიერთდაახლოებისკენ მშვიდობიან სვლას“.

„პოლიტიკური ნიშნით მონასტრიდან ბერების გასახლება ეს არის ვანდალიზმი... ღვთის მდევნელები აკეთებდნენ ამას. პატრიარქი თავისი განცხადებით მხარს უჭერს უკრაინელებს ამით, რადგან თუ უკრაინაში ასეთი დიდი ცოდვა მოხდება, ასეთ დიდ ცოდვას ჩაიდენენ, ძალიან დაისჯება ეს ქვეყანა ამის გამო“, - უთხრა ტელეკომპანია „ფორმულას“ ახალქალაქის, კუმურდოსა და კარის მიტროპოლიტმა ნიკოლოზ ფაჩუაშვილმა.

თეოლოგ ბექა მინდიაშვილის შეფასებით, პროცესები, რაც დღეს უკრაინაში მიტროპოლიტ ონოფრეს „ფსევდოსაეკლესიო დაჯგუფების“ წინააღმდეგ მიმდინარეობს, გარკვეულწილად, დაგვიანებულიც არის, რადგან სწორედ ამ ქსელის მნიშვნელოვანი ხელშეწყობით ცვივა რუსული ბომბები უკრაინაში; ხოლო საქართველოს პატრიარქის წერილი არა უკრაინას, არამედ რუსეთის ღია მხარდაჭერის დემონსტრირებაა.

„საქართველოს პატრიარქის მხრიდან ეს [წერილი] არის ფარისევლობისა და სიყალბის დემონსტრირება - ღია, შიშველი დემონსტრირება - თუ ვის მხარეს დგას ამ ომში... ჩვენი ეკლესია, სამწუხაროდ, ყველა საერთაშორისო საკითხში მხარს უჭერდა რუსეთს და ეწინააღმდეგებოდა მსოფლიო საპატრიარქოს... ეს წერილი [ილია მეორესი] დაიწერა რამდენიმე დღეში მას შემდეგ, რაც მსოფლიო პატრიარქმა ამხილა რუსეთის ეკლესია, რუსეთის ხელისუფლებასთან ერთად... აბსოლუტურად გაუგებარია, რას ემსახურება პატრიარქის წერილი - კიევ-პეჩორის ლავრაში დამპყრობლები იყვნენ ჩასახლებული და მათ ჩამოართვეს“, - ამბობს მინდიაშვილი.

თეოლოგი გოჩა ბარნოვი ვერ იხსენებს შემთხვევას, როცა „საქართველოს პატრიარქს ასეთი წუხილითა და გულისტკივილით მიეწერა წერილი მსოფლიო პატრიარქისთვის, ვთქვათ, აფხაზეთში დანგრეულ ქართულ მონასტრებზე ან სხვა მსგავს თემებზე“.

„რა კუთხითაც უნდა შეხედოს ადამიანმა ამ წერილს - დამამცირებელია ქართველი ერისთვის, უკრაინელებისთვის და დამამცირებელია მსოფლიო პატრიარქისთვის... საქართველოს პატრიარქი წუხს უკრაინაში რუსეთის ეკლესიის ნარჩენებისთვის. არცერთ სხვა ეკლესიას ასეთი წერილი არ მიუწერია მსოფლიო პატრიარქისთვის, მარტო საქართველოდან გაიგზავნა. სამარცხვინოა ასეთი დამოკიდებულება. ეს არის რუსეთის ინტერესების შესაბამისი და აშკარად არის შეკვეთა რუსეთიდან. თავად რაში სჭირდებოდათ აბა, ასეთი წერილის დაწერა?!“, - აცხადებს გოჩა ბარნოვი "რადიო თავისუფლებასთან" ინტერვიუში

საქართველოს პატრიარქი ყმობას უმტკიცებს რუსეთის პატრიარქს უკრაინელი ხალხის წინააღმდეგ ბრძოლაში - ამის შესახებ,  უკრაინის ავტოკეფალური ეკლესიის მღვდელ-მონაზონმა, ლეონ გელოვანმა განაცხადა.

"მართლა არ ვიცი რისი თქმა შეიძლება. წერილი მაინც დაემალათ, ან დღეს მაინც არ გამოექვეყნებინათ, სირცხვილის გრძნობა მაინც ხომ უნდა ქონდეთ?

საქართველოს ეკლესიის ავტოკეფალიის აღდგენის დღეს, საქართველოს პატრიარქი ყმობას უმტკიცებს რუსეთის პატრიარქს უკრაინელი ხალხის წინააღმდეგ ბრძოლაში, არ ვიცი მეტი საშინელება რა შეიძლება გაეკეთებინა საპატრიარქოს დღეს." - აცხადებს მღვდელ-მონაზონი.

მისი თქმით,  ეკლესია-მონასტრები უნდა იყოს არა კონკრეტული იერარქის, არამედ ხალხის საკუთრება 

"მის უწმინდესობას მინდა შევახსენო, რომ ეკლესია-მონასტრები უნდა იყოს არა კონკრეტული იერარქის, არამედ ხალხის საკუთრება და დიახ, ნამდვილად გამართლებული და სასიხარულო ფაქტია, რომ უკრაინის ისტორიული ლავრა ჩამოერთვა რუსულ ეკლესიას დაქვემდებარებულ იერარქს და გადაეცა უკრაინელ ხალხს" - აცხადებს ლეონ გელოვანი.

.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე - ნათელი ხდება, რამდენად მნიშვნელოვანია დავიცვათ ჩვენი ეროვნული ღირსება, ოჯახური ღირებულებები და ამაყად გავაგრძელოთ სვლა წინ - გელოდებით ყველას 29 აპრილს

კრამონი - ივანიშვილი ცდილობს საქართველოში „რუსკი მირი“ დაამყაროს

ფოტიგა - ჩვენ მოვითხოვთ სანქციებს ბიძინა ივანიშვილის წინააღმდეგ

კუბილიუსი - ამ კანონის მიღების შემთხვევაში, მოლაპარაკება გაწევრიანებაზე უნდა შეჩერდეს