ოპოზიციონერი დეპუტატები იურიდიულ საკითხთა კომიტეტზე შესვლას ცდილობენ, სადაც  "უცხოური აგენტების" კანონპროექტის განხილვა მიმდინარეობს, თუმცა სახელმწიფო დაცვის სპეციალურ სამსახურის თანამშრომლები ამის საშუალებას არ აძლევენ. 

როგორც ოპოზიციონერმა დეპუტატმა, თამარ კორძაიამ განაცხადა, იურიდიულ საკითხთა კომიტეტის თავმჯდომარე ანრი ოხანაშვილი რუსული კანონის მიღებას ახდენს ისე, რომ დისკომფორტი არ შეექმნას. 

"არავინ არაფერს გვეუბნება, ყველა მხრიდან ვცადეთ დარბაზში შესვლა, მეორე სართულზე გადაკეტილია, მესამე სართულზე გადაკეტილია, აბსოლუტურად ყველა მხრიდან დგას სახელმწიფო დაცვის სპეციალური სამსახური და პარლამენტის წევრებს გვეკრძალება გადაადგილება. საპირფარეშოში რომ წავიდეთ, დაცვის სპეციალური სამსახურის თანხმობით გვიშვებენ. აი, ეს ხდება დღეს. ანრი ოხანაშვილი ახდენს რუსული კანონის მიღებას, ისე რომ დისკომფორტი არ შეუქმნას არც ერთმა ოპოზიციის დეპუტატმა. დღეს რუსიფიკაციას ვუყურებთ პარლამენტში",- განაცხადა თამარ კორძაიამ. 

შეგახსენებთ, რომ დღეს იურიდიულ საკითხთა კომიტეტზე “ქართული ოცნების" და ანტიდასავლური მოძრაობა "ხალხის ძალის" წევრები, „უცხოური აგენტების შესახებ“ კანონპროექტს მეორე მოსმენით განიხილავენ. ადგილზე მმართველ პარტიასა და ოპოზიციონერ დეპუტატებს შორის სიტუაცია არა ერთხელ დაიძაბა და სიტყვიერ და ფიზიკურ დაპირისპირებაში გადაიზარდა. 

აღსანიშნავია, რომ საკანონმდებლო ორგანოში დაშვების შეზღუდული რეჟიმი აამოქმედეს და ჟურნალისტები არ შეუშვეს. 

პარლამენტის შენობასთან არასამთავრობო ორგანიზაციები და მედიის წარმომადგენლები არიან შეკრებილი და საპროტესტო აქციას მართავენ. ​ადგილზე ასევე იმყოფებიან რიგითი მოქალაქეები და სხვადასხვა სექტორის წარმომადგენლები, რომლებიც თვლიან, რომ აღნიშნული კანონპროექტის განხილვა საქართველოს მომავლისთვის საზიანო იქნება.

ავტორი: ექსპრესნიუსი,

სოციალური ქსელები

თეთრი სახლი უარყოფს მონაწილეობას უკრაინაში Starlink-ის შეზღუდვებთან დაკავშირებით - Axios

სეს - საბავშვო ბაღებიდან აღებულ სურსათის ნიმუშებში დარღვევა არ გამოვლინდა

არგენტინიდან საქართველოში ექსტრადირებულია პირი, რომელიც აშშ-ში თავშესაფრის მისაღებად საჭირო ყალბი საქმეების დამზადების საქმეში ფიგურირებს

მიხეილ სარჯველაძის განცხადებით, ფსიქოტროპული მედიკამენტების 2-კვირიანი მარაგით გამოწერის წესში შეღავათები შევა