პარტია საქართველოსთვის" პარლამენტში "ოკუპანტი ქვეყნის - რუსეთის ფედერაციის გავლენისგან დაცვის შესახებ" კანონპროექტს აინიცირებს. ამის შესახებ პარტიის წარმომადგენელმა, ბექა ლილუაშვილმა საკანონმდებლო ორგანოში ცოტა ხნის წინ გამართულ საგანგებო ბრიფინგზე განაცხადა.

ლილუაშვილის განმარტებით, კანონპროექტის მიზანი ქვეყანაში რუსეთის ფარული გავლენების წყაროების, ქვეყნის ინტერესების საწინააღმდეგო ქმედებებისა და მათი განმახორციელებელი პირების გამოვლენა იქნება.

"პარტია "საქართველოსთვის" ვაინიცირებთ კანონის პროექტს "ოკუპანტი ქვეყნის - რუსეთის ფედერაციის გავლენისგან დაცვის შესახებ", რომლის მიზანია, ამ ქვეყანაში გამოაშკარავდეს რუსეთის ფარული გავლენების წყაროები, ქვეყნის ინტერესების საწინააღმდეგო ქმედებები და მათი განმახორციელებელი პირები.

ჩვენი კანონპროექტი ყველაფერს თავის სახელს არქმევს. მისი მიზანი არის ერთადერთი სწორი მიზანი, რომელიც მსგავს კანონმდებლობას ამ ქვეყანაში შეიძლება გააჩნდეს  - მტერს დაარქვას მტერი. "ქართული ოცნება" ცდილობს, რომ ქვეყანაში კანონის სახელით შეწყვიტოს დემოკრატიული განვითარება, დავკარგოთ ევროკავშირის კანდიდატის სტატუსი და გააყალბოს არჩევნები... ეყოთ გამბედაობა, რომ მტერი დაუძახონ რუსეთს და არა ჩვენი ქვეყნის პარტნიორებს და ამ ინიციატივას დაუჭირონ მხარი", - განაცხადა ბექა ლილუაშვილმა. 

ავტორი: ექსპრესნიუსი,

სოციალური ქსელები

სიორიძე - ძლიერი საქართველო - ლელო საკონსტიტუციოში პარტიების აკრძალვის პროცესზე იქნება წარმოდგენილი

აღმოაჩინე საქართველოს ბანკის განათლების პროგრამები და ისწავლე უფასოდ - განაცხადების მიღება დაიწყო

CNN: თუ აშშ ირანზე თავდასხმებს განაახლებს, შესაძლოა, „ყველა ბომბის დედა“ გამოიყენოს

თეთრი სახლი უარყოფს მონაწილეობას უკრაინაში Starlink-ის შეზღუდვებთან დაკავშირებით - Axios