„თქვენი ტელევიზიები სამი დღეა აშუქებენ ახალ დარეგისტრირებულ ამერიკული კანონის ზუსტ თარგმანს და ამბობთ, რომ ეს არის რუსული, აი რას კადრებთ თქვენს მაყურებელს და თქვენს ამომრჩეველს. და  ვიღაცებმა რა გამართლება მოუძებნეს ამ სიგიჟეს იცით?  მაგალითად, „ნაცმოძრაობის“ ლიდერებმა თქვეს, რომ რა მნიშვნელობა აქვს ამერიკული იქნება თუ არა, მიზანი ხომ რუსული აქვსო. ანუ, ამერიკულ კანონს აქვს რუსული მიზნები, ამას ლაპარაკობთ უკვე რამდენიმე დღეა",- ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ ჟურნალისტებთან საუბრისას განაცხადა.

მდინარაძე „ხალხის ძალის“ მიერ დარეგისტრირებული კანონპროექტის ირგვლივ გაჟღერებულ სხვადასხვა ინტერპრეტაციას გამოეხმაურა და აღნიშნა, რომ როგორც „ნაციონალური მოძრაობის“ ლიდერები აჟღერებენ,  ამერიკულ კანონს რუსული მიზნები აქვს. 

მისივე თქმით, "მაყურებელს და ამომრჩეველს არ უნდა კადრო ისეთი რამ, რაც შენს მათდამი წარმოდგენაზე მეტყველებს".

„ერთი მთავარი ამბავია, რომ მაყურებელს და შენ ამომრჩეველს არ უნდა კადრო ისეთი რამ, რაც შენს მათდამი წარმოდგენაზე მეტყველებს. თქვენ გგონიათ რომ „ნაცმოძრაობის“ ყველა ამომრჩეველი და თქვენი ყველა რეგულარული მაყურებელი იმდენად გაურკვეველია ყველაფერში, რომ ამერიკული კანონის თარგმანს უწოდებთ რუსულს და ასე შეასაღებთ. ასეთი დაბალი წარმოდგენა გაქვთ თქვენივე მაყურებელზე და თქვენივე ამომრჩეველზე იმიტომ, რომ პირდაპირ თარგმანზე ამბობთ, რომ არის რუსული და ხვალ ყველანი გაიმეორებენ, რომ ეს არის რუსული. ეს წარმოდგენა გაქვთ და არ გაგივათ თქვენივე ამომრჩეველშიც კი", - განაცხადა მდინარაძემ.

ავტორი: NS (სტატია დაფინანსებულია),

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს