გარემოს დაცვისა და სოფლის მეურნეობის სამინისტრო პირველივე დღიდან აქტიურად არის ჩართული სოციალურად დაუცველ პირთა დასაქმების პროგრამაში,  - განაცხადა გარემოს დაცვისა და სოფლის მეურნეობის მინისტრმა ოთარ შამუგიამ მთავრობის სხდომის დასრულების შემდეგ ჟურნალისტებთან გამართულ შეხვედრაზე. 

„დასაქმების პროგრამაში, დაახლოებით 4 ათასამდე პოზიცია შეირჩა. ადამიანები დასაქმებული გვყავს როგორც სატყეო და დაცული ტერიტორიების სააგენტოებში, ასევე აზიური ფაროსანას წინააღმდეგ ბრძოლის ღონისძიებებში, შესაბამისი შტაბის საქმიანობაში. დღესაც ღია ვართ, რომ ჩავრთოთ დაინტერესებული ადამიანების და მივცეთ მათ დასაქმების საშუალება. მინდა გითხრათ, რომ გვაქვს შემთხვევები, რომ ადამიანებმა, რომლებიც დასაქმების პროგრამის ფარგლებში ავიყვანეთ, შემდგომში გამოავლინეს საკმაოდ მაღალი კვალიფიკაცია და ზოგიერთი მათგანი დღეს უკვე ძირითად შტატშია. ჩვენი მიზანიც ის არის, რომ ამ ადამინებმა მიიღონ მეტი გამოცდილება, მეტი ცოდნა და შემდგომში უფრო მაღალანაზღაურებად სამსახურებში დასაქმდნენ“, - აღნიშნა ოთარ შამუგიამ.

ავტორი: NS (სტატია დაფინანსებულია),

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს