ჩემი აზრით, სრულიად სამარცხვინო გამოსვლა იყო,- ასე შეაფასა "გირჩი-მეტი თავისუფლების" ლიდერმა, ზურაბ ჯაფარიძემ პრემიერ-მინისტრ ირაკლი ღარიბაშვილის მიუნხენის უსაფრთხოების კონფერენციაზე გაკეთებული განცხადებები.

ჯაფარიძის თქმით, "ქართული ოცნება" ქვეყანას მაქსიმალურად ასუსტებს, მათ შორის სამხედრო და უსაფრთხოების თვალსაზრისით. 

"ჩემი აზრით, სრულიად სამარცხვინო გამოსვლა იყო. რომ შეადაროთ რა ხდებოდა იქ, ხალხი რაზე ლაპარაკობდა და მერე ღარიბაშვილი რას ლაპარაკობდა, იყო ჩვეულებრივი სირცხვილი. 

რასაც "ქართული ოცნება"  აკეთებს არის ის, რომ ქვეყანას ასუსტებს მაქსიმალურად, მათ შორის სამხედრო და უსაფრთხოების თვალსაზრისით. სინამდვილეში, ჩვენ 10 წელია ვდგავართ მუხლებზე და გვატყუებენ, რომ ასე შესაძლებელია მშვიდობის შენარჩუნება, სინამდვილეში, თუ ჩვენ ვიქნებით სუსტი, რუსეთი ადრე თუ გვიან გადაგვივლის. 

შარშან უკვე გვითხრეს უარი [ევროკავშირის კანდიდატის სტატუსზე], ახლა მოვა წლის ბოლო და  დიდი ალბათობით, ისევ გვეტყვიან უარს სტატუსზე.  მშვიდობა არის იქ - მშვიდობა ცალკე, მარტო და სუსტი, არ გვექნება, გამორიცხულია",- განაცხადა ზურაბ ჯაფარიძემ. 

შეგახსენებთ, რომ გუშინ, საქართველოს პრემიერ-მინისტრმა, ირაკლი ღარიბაშვილმა მიუნხენის უსაფრთხოების კონფერენციის ფარგლებში გამართულ თემატურ პანელურ დისკუსიაში მიიღო მონაწილეობა. 

ირაკლი ღარიბაშვილმა მესამე პრეზიდენტის ჯანმრთელობის მდგომარეობაზე საუბრისას განაცხადა, რომ  "მიხეილ სააკაშვილის დაბრუნების მიზანი იყო რევოლუციის მოხდენა და მასობრივი მკვლელობების ინსპირირება". გარდა ამისა, მან ისაუბრა უკრაინაში მიმდინარე ომზე და აღნიშნა, რომ "რთულია ითქვას, რა მოხდება, სად იქნება ევროპა უკრაინის ომის შემდეგ".

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს