გასულ წელს აშშ-ს მაღალ სიმაღლეზე მფრენმა ბუშტებმა ჩინეთის საჰაერო სივრცე, სულ მცირე, ათჯერ დაარღვიეს, - ასე გამოეხმაურა ჩინეთის საგარეო საქმეთა სამინისტროს სპიკერი ვანგ ვენბინი, აშშ-ს ბრალდებას, რომლის მიხედვითაც ჩინეთი სათვათვალო ბუშტებს მთელი მსოლფიოს მასშტაბით მართავს.

მისივე თქმით, შეერთებულმა შტატებმა პირველ რიგში უნდა იფიქროს საკუთარ თავზე და შეცვალოს კურსი, იქამდე სანამ სხვას წაუყენებს ბრალს, რაც თავისმხრივ დაპირისპირებას გამოიწვევს.

ჩინეთმა გადამეტებულ რეაქციაში დაადანაშაულა შეერთებული შტატები, ვინაიდან მათი განმარტებით აშშ-ს მიერ ჩამოგდებული ჩინეთის საჰაერო ბუშტი იყო მეტეოროლოგიური კვლევისთვის შექმნილი უპილოტო საჰაერო ხომალდი.

"აშშ-ს ბუშტებისთვის ჩვეული რამაა სხვა ქვეყნების საჰაერო სივრცეში შესვლა. გასულ წელს აშშ-ს მაღალი სიმაღლის ბუშტები ჩინეთის საჰაერო სივრცეში 10-ზე მეტჯერ შემოვიდნენ, ჩინეთის მთავრობის თანხმობის გარეშე". – განაცხადა ჩინეთის საგარეო უწყების სპიკერმა.

ვაშინგტონში, ეროვნული უშიშროების საბჭოს სპიკერმა ადრიენ უოტსონმა განაცხადა, რომ ნებისმიერი მტკიცება იმის შესახებ, რომ აშშ-ს მთავრობა ახორციელებს და ანლაგებს სათვალთვალო ბუშტებს ჩინეთის თავზე, მცდარია.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს