2022-12-23 19:25:32, 1505 ნახვა
პოლიტიკა
შარლ მიშელი - რუსეთისთვის გაეროს წევრობის შეჩერების მექანიზმი უნდა შეიქმნას
ჩემი გადმოსახედიდან,რუსეთის სრული გარიცხვა გაეროს უშიშროების საბჭოდან ახლა შეუძლებელია, თუმცა უნდა შეიქმნას წევრობის დროებით შეჩერების მექანიზმი, უკრაინაში განვითარებული მოვლენების გამო, - განაცხადა ევროპული საბჭოს პრეზიდენტმა, შარლ მიშელმა.
მისივე თქმით, უკრაინაში საომარი მოქმედებების დაწყება მიანიშნებს საერთაშორისო სამართალში „ნაკლოვანებების“ არსებობაზე. თუმცა, მიშელი აღნიშნავს, რომ გაეროს უსაფრთხოების კონცეფცია ისედაც არ იყო ძირფესვიანად დალაგებული და ჰქონდა მრავალი სირთულე საერთაშორისო პრობლემების გადაჭრის საკითხებში, ჯერ კიდევ რუსეთ-უკრაინის კონფლიქტამდე.
"ჩემი გადმოსახედიდან, რუსეთის სრული გარიცხვა ახლა შეუძლებელია, მაგრამ უნდა შემუშავდეს მექანიზმი რუსეთის წევრობის დროებით შესაჩერებლად უკრაინაში მიმდინარე კონფლიქტის გამო" - განაცხადა შარლ მიშელმა.
ავტორი: ექსპრესნიუსი,
epn.ge (@expressnews.ge)
