2021 წლიდან პოლიტპატიმრად მყოფი საქართველოს ყოფილი პრეზიდენტის სიცოცხლეს საფრთხე ემუქრება. ევროკავშირი ვერ მოითმენს ადამიანის უფლებების ასეთ უხეშ დარღვევას,- ამის შესახებ რუმინელი პოლიტიკოსი, ევროპარლამენტარი ვლად გეორგე Twitter-ზე წერს.

ევროპარლამენტარის თქმით, თუ საქართველოს სურს გახდეს ევროკავშირის წევრი ქვეყანა, ის სათანადოდ უნდა მოიქცეს.

„Breaking: მიხეილ სააკაშვილის სხეულში მერკური და დარიშხანი აღმოაჩინეს!

2021 წლიდან პოლიტპატიმრად მყოფი საქართველოს ყოფილი პრეზიდენტის სიცოცხლეს საფრთხე ემუქრება.

ევროკავშირი ვერ მოითმენს ადამიანის უფლებების ასეთ უხეშ დარღვევას!

თუ საქართველოს სურს გახდეს ევროკავშირის წევრი ქვეყანა, ის სათანადოდ უნდა მოიქცეს“,- წერს ევროპარლამენტარი.

შეგახსენებთ, რომ გუშინ, თბილისის საქალაქო სასამართლოში მესამე პრეზიდენტის გათავისუფლების ან სასჯელის გადავადების შუამდგომლობის განხილვაზე პირველი სხდომა ჩატარდა.

პროცესს კლინიკა "ვივამედიდან" მიხეილ სააკაშვილი დისტანციურ რეჟიმში ესწრებოდა, თუმცა ადვოკატის თქმით, სხდომის მიმდინარეობისას მან თავი შეუძლოდ იგრძნო და ჩართვაზე უარი განაცხადა.

ექსპრეზიდენტის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

აღნიშნულს წინ უძღოდა წამების მსხვერპლთა ფსიქოლოგიური რეაბილიტაციის ცენტრ "ემპათიას" დასკვნა, რომლის მიხედვითაც მიხეილ სააკაშვილს 20-ზე მეტი დიაგნოზი თუ სიმპტომო-კომპლექსი აღენიშნება, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას.

თბილისის საქალაქო სასამართლოში საქართველოს მესამე პრეზიდენტის, მიხეილ სააკაშვილის სასჯელის გადავადებაზე მორიგი პროცესი 29 დეკემბერს გაიმართება.

ავტორი: ექსპრესნიუსი,

სოციალური ქსელები

ტრამპმა განაცხადა, რომ ომის დასრულების მიზნით ზელენსკისთან მოლაპარაკებას არ აპირებს

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance