მიხეილ სააკაშვილის პრობლემა არ არის მიხეილ სააკაშვილის პრობლემა. დიდი ხანია ის გასცდა ერთი კერძო ადამიანის, თუნდაც ქვეყნის მესამე პრეზიდენტის პრობლემას, ეს არის სახელმწიფოს პრობლემა, - ამის შესახებ "ერთიანი ნაციონალური მოძრაობის" თავმჯდომარემ, ნიკა მელიამ განაცხადა.

მელიას თქმით, სოციალურ ქსელში წერა მეორეხარისხოვანი უნდა გახდეს და ვითარების შესაცვლელად, ოპოზიციამ, შესაძლებლობების ფარგლებში, ყველაფერი უნდა გააკეთოს.

"ხელისუფლებამ ივანიშვილის მეცადინეობით, ჩართულობით დღეს ქართული საზოგადოება და სახელმწიფო დააყენა უდიდესი გამოწვევის წინაშე, როდესაც ქვეყნის მესამე პრეზიდენტი არის უმძიმეს მდგომარეობაში და ებრძვის სიკვდილს. მიხეილ სააკაშვილის პრობლემა არ არის მიხეილ სააკაშვილის პრობლემა. დიდი ხანია ის გასცდა ერთი კერძო ადამიანის, თუნდაც ქვეყნის მესამე პრეზიდენტის პრობლემას, ეს არის სახელმწიფოს პრობლემა. დგება მომენტი, როდესაც საუბარი, სოციალურ ქსელში წერა, რაც ძალიან მნიშვნელოვანია, უნდა გადავიდეს მეორე პლანზე და ყველაფერი გავაკეთოთ შესაძლებლობების ფარგლებში, რომ არ ვიყოთ საკუთარ თავთან მტყუანი", - უთხრა ჟურნალისტებს ნიკა მელიამ.

შეგახსენებთ, მესამე პრეზიდენტის, მიხეილ სააკაშვილის გათავისუფლებაზე ან სასჯელის გადავადებაზე თბილისის საქალაქო სასამართლომ 22 დეკემბერს უნდა იმსჯელოს.

ავტორი: ექსპრესნიუსი,

სოციალური ქსელები

საია - პარტიების აკრძალვის მიზანი არა კონსტიტუციური წესრიგის დაცვა, არამედ პოლიტიკური კონკურენციის მოსპობა და ძალაუფლების შენარჩუნებაა

სოციალური სამართლიანობის ცენტრი - დევნილებისთვის ფულადი კომპენსაციის პროგრამა უსახლკარობის რისკებს შექმნის

Reuters- უკრაინაში Starshield-ის გამოყენების შეზღუდვის ბრძანება თეთრი სახლიდან გაიცა

უკრაინა რუსეთის აეროპორტებზე თავდასხმების მკვეთრ ზრდას ამზადებს