გაერთიანებული ოპოზიციის ნაწილი - „გირჩი-მეტი თავისუფლება“, „სტრატეგია აღმაშენებელი“ და „დროა“ 2008 წლის ომთან დაკავშირებით ჰააგის სასამართლოს გადაწყვეტილებას ეხმაურება.

ელენე ხოშტარიას თქმით, სასამართლოს გადაწყვეტილება მიუთითებს იმაზე, რომ "ომის დაწყების ის ვერსია, რომელიც რუსებმა და "ქართულმა ოცნებამ" შემოგვახვიეს უბრალოდ დამსხვრეულია". 

"ჩავარდა "ქართული ოცნების" მიზანმიმართული მცდელობები საქართველოს ომის დაწყების დადანაშაულებაში და ის ორი ეპიზოდი, რომელშიც არანაირი ბრალეულობა საქართველოს მიმართ არ არის, ეს იმას ნიშნავს, რომ ომის დაწყების ის ვერსია, რომელიც რუსებმა და "ქართულმა ოცნებამ" ერთად შემოგვახვიეს არის უბრალოდ დამსხვრეული",- განაცხადა ხოშტარიამ. 

ამასთან, გიორგი ვაშაძე აღნიშნავს, რომ  საქართველოს უჩნდება უფლება მოითხოვოს ზიანის ანაზღაურება იმ დევნილებისთვის, რომლებმაც უშუალოდ ზიანი მიიღეს 2008 წლის ომის დროს. 

"პირველი, გვაინტერესებს, აღძრა თუ არა იგივე ტიპის სისხლის სამართლის საქმე ქართულმა სამართალდამცავმა ორგანოებმა იმ სამ ადამიანთან მიმართებაში, რომელიც ჰააგის პროკურორის მიერ არის დასახელებული, როგორც ბრალდებულები საქართველოს წინააღმდეგ განხორციელებულ საომარ მოქმედებებში, მეორე, არის თუ არა რაიმე კონკრეტული სამოქმედო გეგმა საერთაშორისო ასპარეზზე, მთლიანად იცვლება სამართლებრივი საფუძვლები, საქართველოს უჩნდება უფლება მოითხოვოს ზიანის ანაზღაურება იმ დევნილებისთვის, რომლებმაც უშუალოდ ზიანი მიიღეს 2008 წლის ომის დროს და არა მხოლოდ, იმ სიცოცხლეების საფასურად, რომელიც შეეწირა საქართველოში რუსულ აგრესიას",- ამბობს ვაშაძე. 

შეგახსენებთ, რომ ჰააგის სასამართლომ 2008 წლის აგვისტოს ომის საქმეზე გამოძიების ეტაპი 16 დეკემბერს დაასრულა. გამოძიების დაწყებიდან, ოფისმა შეისწავლა მტკიცებულებები, რომლებიც შეიარაღებული კონფლიქტის ყველა მხარის მიერ სავარაუდოდ ჩადენილ დანაშაულებს უკავშირდებოდა.

ჰააგის სასამართლოს მთავარი პროკურორის, კარიმ ხანის განცხადებით, სასამართლომ რუსეთ - საქართველოს ომის საქმეზე თქვა, რომ საქართველოს დანაშაული არ ჩაუდენია.

ავტორი: ექსპრესნიუსი,

სოციალური ქსელები

საია - პარტიების აკრძალვის მიზანი არა კონსტიტუციური წესრიგის დაცვა, არამედ პოლიტიკური კონკურენციის მოსპობა და ძალაუფლების შენარჩუნებაა

სოციალური სამართლიანობის ცენტრი - დევნილებისთვის ფულადი კომპენსაციის პროგრამა უსახლკარობის რისკებს შექმნის

Reuters- უკრაინაში Starshield-ის გამოყენების შეზღუდვის ბრძანება თეთრი სახლიდან გაიცა

უკრაინა რუსეთის აეროპორტებზე თავდასხმების მკვეთრ ზრდას ამზადებს