რატი ბრეგაძე არის სისხლის სამართლის დამნაშავე, რომელიც მონაწილეობას ღებულობს პუტინთან მებრძოლი მთავარსარდლის მკვლელობაში,- ამის შესახებ „ერთიანი ნაციონალური მოძრაობის“ დეპუტატმა, ლევან ხაბეიშვილმა განაცხადა.

ხაბეიშვილის თქმით, რატი ბრეგაძეს დღეს პარლამენტი არ უნდა უსმენდეს, ვინაიდან ის არის „ჩამოყალიბებული მანიაკი და მკვლელი“, რომელიც გასაჯაროებული კადრების შემდეგ ბედავს პარლამენტში მოსვლას „ანგარიშის ჩაბარებისთის“.

„რატი ბრეგაძე არის სისხლის სამართლის დამნაშავე, რომელიც მონაწილეობას ღებულობს პუტინთან მებრძოლი მთავარსარდლის მკვლელობაში. არ დაგვავიწყდეს და კიდევ ერთელ შევახსენებ, რომ პრეზიდენტი სააკაშვილი იყო ის ვინც უზრუნველყო, მისი გერმანიაში განათლება და ეს განათლება მიიღო მან, რომ პრეზიდენტი ციხეში უნდა მოკლას, მისი უფლებები დაარღვიოს მუდმივად, პუტინს ჩააბაროს ანგარიში და აღლიცინოს რუსული პროპაგანდა? ეს ისწავლა? დღეს კი რაღაც პოლიტიკურ შეფასებებს აკეთებდა, რომ ვიღაც „ოროსანია“. თავისკენ მოიკითხოს ოროსნები და მკვლელებიც.

ის ადამიანები, ვინც მონაწილეობენ პრეზიდენტ სააკაშვილის წამებაში და არაადამიანურ მოპყრობაში უნდა იცოდნენ, რომ შეექმნებათ პრობლემები ყველგან. არ ექნებათ მოსვენება არც პარლამენტში და არც მის გარეთ.

რატი ბრეგაძეს დღეს პარლამენტი არ უნდა უსმენდეს, ვინაიდან ის არის ჩამოყალიბებული მანიაკი და მკვლელი, რომელიც გასაჯაროებული კადრების შემდეგ ბედავს პარლამენტში მოსვლას „ანგარიშის ჩაბარებისთის“,- განაცხადა ხაბეიშვილმა.

ცნობისთვის, კანონმდებლები იუსტიციის მინისტრს "მინისტრის საათის" ფორმატში უსმენენ. აღსანიშნავია, მოსმენას არ ესწრებიან ოპოზიციონერი დეპუტატები, რომლებმაც სხდომათა დარბაზი პროტესტის ნიშნად დატოვეს.

ავტორი: ექსპრესნიუსი,

სოციალური ქსელები

აზერბაიჯანში ჰიჯაბის აკრძალვის წინააღმდეგ საპროტესტო აქციები სპონტანურია

ირანი ჰორმუზის სრუტეში გადაადგილების შეზღუდვას გააგრძელებს, თუ ქვეყნის უფლებები დაცული არ იქნება

Eurasianet: აზერბაიჯანი და თურქეთი სკოლებში ჰიჯაბის აკრძალვის გამო ერთმანეთს დაუპირისპირდნენ

საია - პარტიების აკრძალვის მიზანი არა კონსტიტუციური წესრიგის დაცვა, არამედ პოლიტიკური კონკურენციის მოსპობა და ძალაუფლების შენარჩუნებაა