15:43 - 28 Mar, 2024
რეკლამა/ხელმოწერა
2022-11-25 23:51:06, 645 ნახვა

პოლიტიკა
თბილისის მუზეუმების გაერთიანება ინოვაციების დანერგვისა და საზოგადოებრივი ჩართულობის გაზრდის მიზნით ახალ პროექტს იწყებს

„მეტი ინოვაციები და საზოგადოებრივი ჩართულობა თბილისის მუზეუმების გაერთიანებაში“ - ამ სახელწოდებით, თბილისის მუზეუმების გაერთიანება ახალ პროექტს იწყებს.
 
პროექტი, რომელიც bp-ს  სოციალური ინვესტიციების პროგრამის ფარგლებში დაფინანსდა, კონსულტაციისა და ტრენინგის ცენტრთან (ctc) თანამშრომლობით განხორციელდება.
 
პროექტის მიზანია, ხელი შუწყოს თბილისის მუზეუმების გაერთიანებას ისეთი სიახლეების დანერგვაში, რომელიც საშუალებას მისცემს, გააფართოოს აუდიტორია, განავითაროს საგანმანათლებლო სერვისები და უზრუნველყოს ექსპონატების უკეთესი დაცვა.
 
პროექტის წარდგენას ილია ჭავჭავაძის ლიტერატურულ-მემორიალურ  მუზეუმში თბილისის საკრებულოს თავმჯდომარე გიორგი ტყემალაძე, საკრებულოს თავმჯდომარის მოადგილე მარიკა დარჩია და თბილისის მერის მოადგილე ანდრია ბასილაია დაესწრო.
 
ღონისძიებაზე თბილისის მუზეუმების გაერთიანების, bp-ისა და კონსულტაციისა და ტრენინგის ცენტრის წარმომადგენლებმა ისაუბრეს პროექტის მიზნებზე, განხორციელების გზებსა და მოსალოდნელ შედეგებზე.
 
„თბილისის მუზეუმების გაერთიანების საქმიანობა ძალიან მნიშვნელოვანია ჩვენი დედაქალაქისთვის. ბოლო წლებში არაერთი მნიშვნელოვანი პროექტი განხორციელდა, მათ შორის, ილიას მუზეუმის რეაბილიტაცია. ძალზედ მნიშვნელოვანია, რომ მუზეუმების გაერთიანებამ bp-სგან აღნიშნული გრანტი მოიპოვა, რომელიც რამდენიმე მნიშვნელოვან მიმართულებას მოხმარდება“, - განაცხადა ანდრია ბასილაიამ.
 
10-თვიანი სამუშაო პროექტი მოიცავს სამ ძირითად კომპონენტს: თბილისის მუზეუმების გაერთიანების ბაზაზე არსებული რესტავრაცია-კონსერვაციის სამეცნიერო ლაბორატორიის აღჭურვა თანამედროვე, საერთაშორისო სტანდარტების შესაბამისი, უახლესი აპარატურით, რაც შესაძლებლობას მისცემს ლაბორატორიას, გააფართოოს საქმიანობა კოლექციებში დაცული კულტურული მემკვიდრეობის კონსერვაცია-რესტავრაციის კუთხით და ასევე გაუწიოს მომსახურება სხვა მუზეუმებს; ილია ჭავჭავაძის ლიტერატურულ-მემორიალური მუზეუმში ორენოვანი აუდიოგიდის სისტემის დანერგვა თანამედროვე, საერთაშორისო სტანდარტების შესაბამისად, რაც სამუზეუმო თხრობის გამრავალფეროვნებას და დამთვალიერებლისათვის მეტი კომფორტის შექმნას უწყობს ხელს; თბილისის მუზეუმების გაერთიანების საქმიანობის პოპულარიზაციის, ასევე, ვიზიტორთა თუ ონლაინ მიმდევართა მოზიდვის მიზნით საინფორმაციო, საგანმანათლებლო  ვიდეორგოლების დამზადება და მათი გავრცელების ხელშეწყობა.




ავტორი: NS (სტატია დაფინანსებულია),


სოციალური ქსელები
საქართველოს პროკურატურაში, ევროკავშირთან თანამშრომლობით, არასრულწლოვანთა მართლმსაჯულების საკითხებზე პროკურორთა და გამომძიებელთა სპეციალიზაციის კურსი ჩატარდა
თავდაცვის მინისტრი აფხაზეთის ოკუპირებული ტერიტორიიდან გადმოსვენებულთა პანაშვიდს დაესწრო
შოლცი - გერმანია უკრაინისთვის Taurus-ების მიწოდებაზე უარს ამბობს, რადგან რუსეთსა და ნატოს შორის ომის თავიდან არიდებას ცდილობს
ნინო თანდილაშვილმა ბრიუსელში, გენერალური დირექტორატის სამუშაო შეხვედრაში მიიღო მონაწილეობა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics