საქართველოში აშშ-ის ელჩი, კელი დეგნანი მიიჩნევს, რომ „დეოლიგარქიზაციის“ კანონპროექტის მიღებამდე მნიშვნელოვანია, რომ ვენეციის კომისიის სფეროს ექსპერტებმა გადახედონ.

კელი დეგნანის განცხადებით, ექსპერტების დასკვნის მიღება იქნება სასარგებლო ნაბიჯი საქართველოს მთავრობისთვისა და პარლამენტისთვის.

"როდესაც ეს მოდის ევროკომისიის დელეგაციის მხრიდან, რომელიც მუშაობს საქართველოსთან, ამ რეკომენდაციების დაკმაყოფილებასთან დაკავშირებით, ეს რჩევები ძალიან მნიშვნელოვანია. ჩემი აზრით, იყო გარკვეული დაბნეულობა, რადგან დეოლიგარქიზაციის შესახებ კანონის ვერსია, რომელიც შემუშავდა უკრაინაში, უკან გაიტანეს ვენეციის კომისიიდან. შესაბამისად, ვენეციის კომისიასთან არ არის მოთხოვნა არცერთი კანონის განხილვასთან დაკავშირებით, არც საქართველოდან, არც უკრაინიდან. სწორედ ამიტომაც არის მნიშვნელოვანი და ფასეული, რომ ვენეციის კომისიის სფეროს ექსპერტებმა მიღებამდე გადახედონ კანონპროექტებს ეს არის ძალიან რთული და მნიშვნელოვანი სფერო კანონისთვის და ექსპერტების დასკვნის მიღება იქნება ძალიან სასარგებლო ნაბიჯი საქართველოს მთავრობისთვის, საქართველოს პარლამენტისთვის", - განაცხადა დეგნანმა.

შეგახსენებთ, რომ 16 ნოემბერს, პარლამენტმა „დეოლიგარქიზაციის შესახებ“ კანონპროექტი მეორე მოსმენით მიიღო. კანონპროექტს მხარი 76-მა დეპუტატმა დაუჭრა, ექვსი კი წინააღმდეგი იყო.

საქართველოში ევროკავშირის წარმომადგენლობა ხელისუფლებას მოუწოდებს, რომ „დეოლიგარქიზაციის“ კანონის მიღებამდე უნდა იყოს შესრულებული ვენეციის კომისიის დასკვნა. 

ავტორი: ექსპრესნიუსი,

სოციალური ქსელები

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო

საბერძნეთი განიხილავს ლიეტუვაში კრემლის ორი კრიტიკოსის მკვლელობის დაგეგმვაში ეჭვმიტანილი საქართველოს მოქალაქის ექსტრადირებას