"ნაციონალური მოძრაობის" წევრი ლევან კირკიტაძე, რომელიც თავმჯდომარეობის არჩევნებში მხარს ლევან ხაბეიშვილს უჭერს, ამბობს, რომ ნიკა მელიას მინიშნებებით საუბარი ჩვევაში გადაუვიდა. 

დავით კირკიტაძემ აღნიშნული კომენტარი იმ ბრალდებების საპასუხოდ გააკეთა, რომლის მიხედვითაც ენმ-ს არჩევნებში დასახელებული კანდიდატების უკან დავით კეზერაშვილი და ვანო მერაბიშვილი დგანან. 

"ნიკა მელიას უკვე ჩვევაში გადაუვიდა მინიშნებებით საუბარი. მე რა ვიცი ის ვის გულისხმობს. არაერთხელ მითქვამს, რომ [კეზერაშვილთან და მერაბიშვილთან] მაკავშირებს მეგობრული ურთიერთობა, მაგრამ ბოლო ერთი კვირაა არც ერთი არ მინახავს",- განაცხადა კირკიტაძემ. 

შეგახსენებთ, რომ 9 ნოემბერს, ირაკლი ნადირაძემ რეგიონულ ლიდერებთან ერთად გამართულ ბრიფინგზე განაცხადა, რომ "ერთიანი ნაციონალური მოძრაობის" ნაწილი პარტიაში შიდა არჩევნების ჩატარებასა და ახალი თავმჯდომარის არჩევას ითხოვს.

ამის საპასუხოდ, პარტიის მოქმედმა თავმჯდომარემ, ნიკა მელიამ თქვა, რომ ეს იყო ნაჩქარევი განცხადება, რომელსაც "შორსმიმავალი გეგმები" აქვს, თუმცა მზადაა, რომ არჩევნებში მონაწილეობა მიიღოს.

თავმჯდომარის პოსტზე საკუთარი კანდიდატურა წარადგინა „ნაციონალური მოძრაობის“ წევრმა, ლევან ხაბეიშვილმა და ნიკა მელიასთან დაპირისპირებაში მყოფმა გიორგი მუმლაძემ. აღსანიშნავია, რომ თავმჯდომარეობისთვის ბრძოლას გეგმავდა გიორგი ჩალაძეც, თუმცა მისი კანდიდატურა წარდგენიდან მალევე მოხსნა. 

ნიკა მელიას თქმით, კანდიდატების რაოდენობა კიდევ შემცირდება და საბოლოოდ, მხოლოდ ხაბეიშვილთან "იპაექრებს". 

ავტორი: ექსპრესნიუსი,

სოციალური ქსელები

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო

საბერძნეთი განიხილავს ლიეტუვაში კრემლის ორი კრიტიკოსის მკვლელობის დაგეგმვაში ეჭვმიტანილი საქართველოს მოქალაქის ექსტრადირებას