მიხეილ სააკაშვილთან, როგორც პოლიტპატიმართან მიმართებაში, ბიძინა ივანიშვილმა გადაკვეთა რუბიკონი დიდი ხანია, - ამის შესახებ "ერთიანი ნაციონალური მოძრაობის" თავმჯდომარემ, ნიკა მელიამ განაცხადა.

როგორც მელიამ მთავრობის ადმინისტრაციასთან საქართველოს მესამე პრეზიდენტის, მიხეილ სააკაშვილის მხარდამჭერ აქციაზე აღნიშნა, თუ ივანიშვილი სააკაშვილთან, როგორც ჯანმრთელობის მძიმე მდგომარეობაში მყოფ ადამიანთან მიმართებაშიც გადალახავს რუბიკონს, "ძველებურად ვეღარაფერი იქნება".

"მიხეილ სააკაშვილთან, როგორც პოლიტპატიმართან მიმართებაში, ბიძინა ივანიშვილმა გადაკვეთა რუბიკონი დიდი ხანია. ის არაადამიანური მოპყრობა, რომელიც ხორციელდება მესამე პრეზიდენტის წინააღმდეგ, ამის შედეგია. დღეს თუ მიხეილ სააკაშვილის წინააღმდეგ ბიძინა ივანიშვილი, მისი მართული სასამართლო რუბიკონს გადალახავს როგორც მძიმე მდგომარეობაში მყოფი ადამიანის წინააღმდეგ, ძველებურად ვერაფერი ვერ გაგრძელდება... სააკაშვილის ჯანმრთელობის მდგომარეობა, სიცოცხლე და ტყვეობა ბიძინა ივანიშვილს რომ არ აინტერესებს, ეს დიდი ხანია ვიცით, მაგრამ ივანიშვილს საკუთარი მდგომარეობა მაინც უნდა აინტერესებდეს. დანარჩენი დამოკიდებულია ქართულ საზოგადოებასა და საერთაშორისო საზოგადოებაზე, "ნაციონალურ მოძრაობაზე", - უთხრა მელიამ "მთავარ არხს".  

ცნობისთვის, თბილისში, მთავრობის ადმინისტრაციასთან მიხეილ სააკაშვილის უცხოეთში სამკურნალოდ გადაყვანისა და გათავისუფლების მოთხოვნით აქცია იმართება.

პრეზიდენტის ადვოკატმა, ვალერი გელბახიანმა გუშინ, 19 ნოემბერს განაცხადა, რომ "მიხეილ სააკაშვილი მოწამლულია, სხვაგვარად ასე არ განვითარდებოდა არც ერთი დაავადება".

ადვოკატის მიერ გაჟღერებულ ინფორმაციას დღეს სპეციალური პენიტენციური სამსახური გამოეხმაურა.

უწყებამ გავრცელებულ განცხადებაში აღნიშნა, რომ "მსჯავრდებულ მიხეილ სააკაშვილის ადვოკატის მიერ მისი დაცვის ქვეშ მყოფი პირის შესაძლო მოწამვლის შესახებ გავრცელებული ინფორმაციის უტყუარობის დამადასტურებელი ოფიციალური დასკვნა სპეციალური პენიტენციური სამსახურისთვის არავის მიუწოდებია".

ავტორი: ექსპრესნიუსი,

სოციალური ქსელები

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო

საბერძნეთი განიხილავს ლიეტუვაში კრემლის ორი კრიტიკოსის მკვლელობის დაგეგმვაში ეჭვმიტანილი საქართველოს მოქალაქის ექსტრადირებას