FAO-ს (გაეროს სურსათისა და სოფლის მეურნეობის ორგანიზაცია) ორგანიზებით, ევროკავშირის მიერ დაფინანსებული სოფლის მეურნეობისა და სოფლის განვითარების ევროპის სამეზობლო პროგრამის (ENPARD) III ფაზის დასკვნითი ღონისძიება  გაიმართა.
ღონისძიება გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა და საქართველოში ევროკავშირის წარმომადგენლობის სოფლის მეურნეობის, მეთევზეობის და სურსათის უვნებლობის პროგრამის მენეჯერმა ჟორჟ დეუმ გახსნეს.

ევროკავშირის მხარდაჭერით, 12 მილიონი ამერიკული დოლარის ღირებულების პროგრამის ფარგლებში გაეროს სურსათისა და სოფლის მეურნეობის ორგანიზაციის (FAO) მიერ მიღწეული შედეგები მონაწილეებს წარუდგინეს.

როგორც მინისტრის მოადგილემ სიტყვით გამოსვლისას აღნიშნა, ENPARD-ის პროგრამა  საქართველოს სოფლის მეურნეობის სექტორს ევროკავშირის სტანდარტებთან და მოთხოვნებთან დაახლოებაში ეხმარება.

"პროგრამის ფარგლებში მივიღეთ სოფლის მეურნეობის და სოფლის განვითარების სტრატეგიული დოკუმენტი, რომელიც სრულად პასუხობს ევროკავშირის მოთხოვნებს. გაეროს სურსათისა და სოფლის მეურნეობის ორგანიზაციის (FAO) მხარდაჭერით, 350-ზე მეტმა ფერმერმა ისარგებლა საგრანტო მხარდაჭერით, რაც გულისხმობს 40%-იან თანადაფინანსებას სასოფლო-სამეურნეო ტექნიკის, ტექნოლოგიებზე წვდომისა და ახალი სასოფლო-სამეურნეო პრაქტიკების დანერგვის მიმართულებით. აღნიშნული დაეხმარება ფერმერებს, გახდნენ კონკურენტუნარიანები, ისარგებლონ დამატებით ფინანსური რესურსებით და მოახდინონ საკუთარი პროდუქციის ევროკავშირის ბაზარზე ექსპორტი“,- განაცხადა გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა.
ღონისძიებაზე FAO-EU პროგრამის კოორდინატორმა, ხავიერ სანს ალვარესმა პროექტის შემაჯამებელი ანგარიშის პრეზენტაცია წარადგინა.

„გაეროს სურსათისა და სოფლის მეურნეობის ორგანიზაცია (FAO), ENPARD-ის პროგრამის ფარგლებში, 2013 წლიდან, წარმატებით უწყობს ხელს საქართველოს სოფლის მეურნეობის განვითარებას. ეროვნული სასოფლო-სამეურნეო პოლიტიკის გაუმჯობესებაში ტექნიკური დახმარების გაწევით, კომპანიებისთვის და ფერმერებისთვის ფინანსებზე წვდომის გაუმჯობესებით, ფერმერების ტრენინგებით, სახელმწიფო სტრუქტურებისა და კერძო სექტორის მთავარ წარმომადგენლებთან ნაყოფიერი თანამშრომლობით, FAO-მ და ევროკავშირმა საქართველოს სოფლის მეურნეობის სექტორის სრული პოტენციალის წარმოაჩენას შეუწყვეს ხელი და ადგილობრივი თემებისთვის მდგრადი აგროსასურსათო სისტემების განვითარების უპირატესობასაც გაუსვეს ხაზი,“ - განაცხადა FAO-EU პროგრამის კოორდინატორმა, ხავიერ სანს ალვარესმა.

ღონისძიების მონაწილეებმა მომავალი სოფლის მეურნეობისა და სოფლის განვითარების ევროპის სამეზობლო პროგრამის ENPARD მე-4 ფაზის სასოფლო-სამეურნეო სისტემის მდგრადი განვითარების ძირეული პრიორიტეტებიც განიხილეს.

პანელურ დისკუსიებზე გარემოსდაცვით საკითხებზე და საუკეთესო პრაქტიკებზე, ENPARD-ის IV ფაზის ფარგლებში არსებულ საინვესტიციო შესაძლებლობებზე იმსჯელეს.

ავტორი: NS (სტატია დაფინანსებულია),

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო