„ევროკავშირი  გვთხოვს შესრულდეს რეკომენდაციები!", - ამ სიტყვებით მიმართა ფრაქციის „ერთიანი ნაციონალური მოძრაობა" - გაერთიანებული ოპოზიცია „ძალა ერთობაშია" წევრმა, რომან გოცირიძემ პარლამენტის პლენარულ სხდომაზე პრემიერ-მინისტრს, ირაკლი ღარიბაშვილს ინტერპელაციის წესით მოსმენის შემდეგ გამართული დებატების დროს.

მისი თქმით, ევროკავშირი საქართველოს რეკომენდაციების შესრულებას სთხოვს.

„20 წლის წინ მოვიდა „ნაციონალური მოძრაობა" ხელისუფლებაში და 10 წელია თქვენ მართავთ ამ ქვეყნას. 20 წლის წინანდელი არგუმენტებით გველაპარაკებით დღევანდელ დღეს. ბატონო ირაკლი, აღმოსავლეთ პარტნიორობის მოწინავე ქვეყანა  რატომ გახდა მაჩანჩალა? მართლაც სად იყო მოლდოვა ან რომელიმე სხვა ქვეყანა საქართველოსთან შედარებით? რომ გიკვირთ ევროკავშირის კანდიდატის სტატუსი იმიტომ მიიღო უკრაინამ, რომ ის საომარ მდგომარეობაში იმყოფება,  ხოლო მოლდოვამ იმიტომ, რომ საომარ მდგომარეობაში მყოფი ქვეყნის მეზობლად მდებარეობს, საქართველოს 20% ხომ ოკუპირებულია? ოკუპირებულ ქვეყანას რატომ არ მისცეს მაშინ სტატუსი თუკი ოკუპაციასთან და ომთან არის ეს დაკავშირებული? მოლდოვასა და საქართველოს შორის განსხვავება იმიტომ არის, რომ მოლდოვის ოლიგარქი, რომელიც ხელისუფლებას მართავდა არაბეთის ქვეყნებში დარბის და არავინ იცის სად არის, ხოლო მისი პრეზიდენტი, რომელიც რუსეთიდან იმართებოდა შინაპატიმრობაშია. მოლდოვას ჰყავს  ევროპული მთვარობა  და არჩევნები კი არ ყალბდება, არამედ  ელექტრონული მეთოდით, მათ შორის, ემიგრანტების მონაწილეობთ თავისუფალ არჩევნებს ატარებს ქვეყნაში. ევროკავშირი ჩვენ გვთხოვს შესრულდეს რეკომენდაციები!", - განაცხადა რომან გოცირიძემ.

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო