თქვენ მართლა დასეირნობთ, ოღონდ არა მარტო დასეირნობთ, პირდაპირ ლობირებთ ქვეყნის ინტერესების საზიანოდ ევროპის ქვეყნებსა და დედაქალაქებში და იღებთ "სელფებს", - ასე მიმართა "ქართული ოცნების" თავმჯდომარემ, ირაკლი კობახიძემ პარლამენტის პლენარულ სესიაზე ოპოზიციას.

როგორც კობახიძემ პრემიერ-მინისტრის ინტერპელაციის წესით გამართულ მოსმენაზე სიტყვით გამოსვლისას აღნიშნა, ოპოზიციის ქმედებების საპასუხოდ, "ქართული ოცნება" კანდიდატის სტატუსის მისაღებად უცხოელ პარტნიორებთან მუშაობს. 

"ზუსტად იგივე პერიოდში, როდესაც აქეთ მიდის ინტენსიური მუშაობა ერთი მხრივ, კანონებზე და მეორე მხრივ, იმისთვის, რომ ჩვენმა უცხოელმა პარტნიორებმა მხარი დაგვიჭირონ კანდიდატის სტატუსის მიღებისთვის, თქვენ ქვეყნის საზიანოდ ახორციელებთ ლობირებას, რაც მეტყველებს, რა თქმა უნდა, თქვენზე. არც აქ ხართ ჩართული კანონების შემუშავების პროცესში და იქ ქვეყნის საზიანოდ საუბრობთ საქართველოს შესახებ. რადიკალური ოპოზიცია უკვე ოფიციალურად გადაიქცა კოლექტიურ ლევან ხაბეიშვილად და კოლექტიურ გიორგი ვაშაძედ. მგონი, ესეც ძალიან კარგი სტატუსია მათთვის", - განაცხადა კობახიძემ.

ცნობისთვის, კანონმდებლები დღეს პრემიერ-მინისტრს ინტერპელაციის წესით უსმენენ. ირაკლი ღარიბაშვილი ოპოზიციონერი დეპუტატების: გიორგი ვაშაძის, პაატა მანჯგალაძის, თეონა აქუბარდიას, ხათუნა სამნიძის, ტარიელ ნაკაიძის, თამარ კორძაიას, როსტომ ჩხეიძისა და ნატო ჩხეიძის მიერ გაგზავნილ კითხვებს პასუხობს.

შეკითხვები საქართველოსთვის ევროკავშირის კანდიდატი ქვეყნის სტატუსის მინიჭებას და „ქართული ოცნებისა“ და „ხალხის ძალის“ დეპუტატების მიერ გაკეთებულ განცხადებებს შეეხება.

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო