ევროპარლამენტის რეზოლუცია იყო ანტისახელმწიფოებრივი, ანტიქართული, სამარცხვინო და უსამართლო,- ამის შესახებ საქართველოს პრემიერ-მინისტრმა პარლამენტში სიტყვით გამოსვლისას განაცხადა. 

ირაკლი ღარიბაშვილის თქმით, ოპოზიციამ ყველაფერი გააკეთა იმისთვის,რომ ევროპარლამენტის წევრთა უმრავლესობა დაერწმუნებინა, რათა ქვეყანას კანდიდატის სტტუსი არ მიეღო.

"ევროპარლამენტის რეზოლუცია იყო ანტისახელმწიფოებრივი, ანტიქართული, სამარცხვინო და უსამართლო. მაშინ როცა, წარმოიდგინეთ, ევროკავშირის წევრ ქვეყნებს, უნდა მიეღოთ ისტორიული გადაწყვეტილება და ჩვენ არ ვიცოდით, მოგვცემდნენ თუ არა სტატუსს, რა უნდა გაეკეთებინა ნებისმიერ პატრიოტ მოქალაქეს და მითუმეტეს პოლიტიკოსს, რა მნიშვნელობა აქვს ის პოზიციაშია თუ ოპოზიციაში, რა თქმა უნდა ყველაფერი უნდა გაეკეთებინა მთავრობასთან ერთად რომ მიგვეღო ეს სტატუსი. ახლა, როგორ მოიქცა ჩვენი ძვირფასი ოპოზიცია. ყველაფერი გააკეთეს იმისთვის,რომ მთავარ ლობისტებთან ერთად დაარწმუნეს ევროპარლამენტის წევრთა უმრავლესობამ და ამ შემთხვევაში, მათ დედა პარტიის უმრავლესობამ და ევროპული საბჭოს ისტორიულ გადაწყვეტილებამდე ორი კვირით ადრე, მიაღებინეს ქვეყნისთვის საწინააღმდეგო გადაწყვეტილება. პირდაპირ, მიზეზი მიართვეს ლანგრით, რომ დაესაჯათ საქართველო",- განაცხადა ღარიბაშვილმა. 

ცნობისთვის, დღეს საქართველოს პარლამენტში ინტერპელაციის წესით პრემიერ-მინისტრ ირაკლი ღარიბაშვილს უსმენენ.

პრემიერ-მინისტრი ოპოზიციონერი დეპუტატების: გიორგი ვაშაძის, პაატა მანჯგალაძის, თეონა აქუბარდიას, ხათუნა სამნიძის, ტარიელ ნაკაიძის, თამარ კორძაიას, როსტომ ჩხეიძის და ნატო ჩხეიძის მიერ გაგზავნილ კითხვებს უპასუხებს.

შეკითხვები საქართველოსთვის ევროკავშირის კანდიდატი ქვეყნის სტატუსის მინიჭებას და „ქართული ოცნებისა“ და „ხალხის ძალის“ დეპუტატების მიერ გაკეთებულ განცხადებებს შეეხება.

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო