"ნაციონალურმა მოძრაობამ" თავის თავს დააწია ის, რაც უნდოდა ქვეყნისთვის დაეწია. ითხოვდნენ რიგგარეშე არჩევნებს ქვეყანაში და მიიღეს რიგგარეშე არჩევნები პარტიაში, - ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

როგორც სამხრეთ კორეაში ვიზიტით მყოფმა პაპუაშვილმა ჟურნალისტებს უთხრა, პრობლემა არა ოპოზიციური პარტიის ხელმძღვანელობა, არამედ ღირებულებების არქონაა.

"ვნახოთ, პარტიის შიგნით ეს მათი გასარკვევი საკითხია, ვინ იქნება ხელმძღვანელობაში, მაგრამ საერთო ჯამში, არ ცვლის არაფერს. პრობლემა არა "ნაციონალური მოძრაობის" ხელმძღვანელობა, არამედ ის ღირებულებებია, რაზეც ის დგას, უფრო სწორედ, ღირებულებების არარსებობა ამ პარტიაში. პარტია, რომელიც არის საქართველოში ავტორიტარული რეჟიმის ჩამომყალიბებელი და რომელიც ოპოზიციიდანაც ზუსტად იგივე მისწრაფებებით მოქმედებს. სანამ ეს პარტია არ შეიცვლის ამ მიდგომებს, ამ პრინციპებს, სანამ ეს პარტია არ აღიარებს დემოკრატიას, მანამ "ნაციონალურ მოძრაობას" მომავალი არ აქვს", - განაცხადა შალვა პაპუაშვილმა. 

შეგახსენებთ, რომ გუშინ, 9 ნოემბერს, ირაკლი ნადირაძემ რეგიონულ ლიდერებთან ერთად გამართულ ბრიფინგზე განაცხადა, რომ "ერთიანი ნაციონალური მოძრაობის" ნაწილი პარტიაში შიდა არჩევნების ჩატარებასა და ახალი თავმჯდომარის არჩევას ითხოვს.

ამის საპასუხოდ, ნიკა მელიამ განაცხადა, რომ ეს იყო ნაჩქარევი განცხადება, რომელსაც "შორსმიმავალი გეგმები" აქვს, თუმცა მზადაა, რომ პარტიის არჩევნებში მონაწილეობა მიიღოს. 

ავტორი: ექსპრესნიუსი,

სოციალური ქსელები

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა

მოსკოვში დრონების თავდასხმების შედეგად 350-ზე მეტი რეისი გაუქმდა და გადაიდო