თურქეთის დროშის ქვეშ მყოფი გემები გააგრძელებენ უკრაინული მარცვლეულის ექსპორტს რუსეთის შეთანხმებიდან გასვლის შემდეგ. ამის შესახებ თურქეთის თავდაცვის მინისტრმა ჰულუსი აკარმა განაცხადა.

როგორც თავდაცვის მინისტრმა აღნიშნა, სტამბოლმა ამის შესახებ უკრაინასთან და რუსეთთანაც ისაუბრა. მისივე თქმით, რუსეთის თავდაცვის მინისტრმა, თავის მხრივ, პირობა დადო, რომ მიწოდებულ ინფორმაციას მის ხელმძღვანელობას გადასცემდა.

“მიგვაჩნია, რომ ხელმოწერილი შეთანხმება ყველა მხარისთვის მომგებიანია და მისი დარღვევა თითოეული მხარისთვის პრობლემას წარმოადგენს. გვინდა გავაგრძელოთ მარცვლეულის ტრანსპორტირება და ამაში ჩვენი წვლილი შევიტანოთ.

ჩვენ შევახსენეთ ჩვენს თანამოსაუბრეებს, რომ არ შეიძლება გასვლა (შეთანხმებიდან). მოძრაობა ამ მიმართულებით გრძელდება. ჩვენ ვაფასებთ არსებულ მონაცემებს, რომ შეთანხმება გაგრძელდება", - აღნიშნა აკარმა.

შეგახსენებთ, რომ შაბათს, 29 ოქტომბერს, აფეთქებები გაისმა სევასტოპოლის ყურეში , დროებით ოკუპირებულ ყირიმში. რუსეთმა მომხდარში უკრაინა დაადანაშაულა.

მოგვიანებით, რუსეთის ფედერაციის თავდაცვის სამინისტრომ გამოაცხადა, რომ შავი ზღვის ფლოტის გემებზე „შეტევების“ გამო, რუსეთი მარცვლეულის შეთანხმებას ტოვებს.

უკრაინის პრეზიდენტმა ვოლოდიმირ ზელენსკიმ რუსეთის ფედერაციის მიერ მარცვლეულის ექსპორტის შეჩერებას პროგნოზირებადი უწოდა და მსოფლიოს მკაცრი რეაგირებისკენ მოუწოდა.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს