ოპოზიცია პრემიერობის საერთო კანდიდატის არჩევას წინასწარი არჩევნებით გეგმავს,- აღნიშნულის შესახებ ინფორმაციას ადასტურებს „სტრატეგია აღმაშენებლის“ ლიდერი, გიორგი ვაშაძე.

როგორც ოპოზიციურ პარტიაში აცხადებენ, პრაიმერისში მონაწილეობას ოპოზიციური პარტიის ამომრჩეველი მიიღებს და ისინი გადაწყვეტენ ვინ უნდა გახდეს ქვეყნის პრემიერი.

დოკუმენტის მიხედვით, საპარლამენტო სიას 2024 წლის არჩევნებისთვის ოპოზიცია წინასწარი არჩევნების გზით შეარჩევს და დაკომპლექტდება „ჩრდილოვანი კაბინეტი“ - ოპოზიცია წინასწარ იტყვის ვინ რა პოზიციას დაიკავებს გამარჯვების შემდეგ.

ვაშაძის თქმით, ოპოზიციურ პარტიებს შორის ეს იდეა განიხილება, რომლითაც ისინი სხვა პოლიტიკურ პარტიებს სთავაზობენ გაერთიანებას, რათა შეიქმნას საერთო ოპოზიციური პლატფორმა და წინასწარი არჩვების გზით ჩამოყალიბდეს თუ ვინ იქნებიან ოპოზიურ პარტიებს შორის ლიდერები და მთავრობის წევრები.

„ჩვენ ახლა პროევროპულ ფლანგზე გვჭირდება ერთიანობა, რაც გამოვა მხოლოდ იმ შემთხვევაში თუ ეს ერთიანობა არ იქნება სიტუაციური და იქნება გამჭირვალე წესები, რის საფუძველზეც მოხდება ერთიანობა და როგორ ჩამოვაყალიბებთ გადაწყვეტილებებს. ეს არის პრაიმერისის წესები, რომელზეც მუშაობს ბევრი საინტერესო ადამიანი და საერთო ჯამში სწორედ ხალხის ხმა იყოს გადამწყვეტი ყველა საკითხთან დაკავშირებით. 

პირდაპირ ვიტყვი, რომ ეს მხოლოდ ელექტრონულად ვერ ჩატარდება და ასევე ვერ ჩატარდება მხოლოდ ფიზიკურად, რადგან ელექტრონულად ჩატარების შემთვევაში ბევრი ადამიანი ვერ იღებს მონაწილეობას. ამაზე გვაქვს მსჯელობა და საკითხი ჯერ არაა გადაწყვეტილი.“,- განაცხადა ვაშაძემ.

ცნობისთვის, პრაიმერისი გულისხმობს წინასწარ არჩევნებს, სადაც მოქალაქეებმა წინასწარ უნდა შეარჩიონ ოპოზიციის ლიდერი, რომელიც შემდგომ პრემიერობის კანდიდატად დასახელდება.

წინასწარი არჩევნების გზით მოქალაქეებმა ასევე უნდა შეარჩიონ „ჩრდილოვანი კაბინეტი“ და ოპოზიციის პროპორციული სია, რაც ნიშნავს, რომ მათ თავად უნდა გადაწყვიტონ თუ რომელი ოპოზიციონერი წარადგენს მათ პარლამენტში.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა