მატარებელი დაიძრა, - ასე ეხმაურება "ერთიანი ნაციონალური მოძრაობის" წევრი, რომან გოცირიძე ამერიკის შეერთებული შტატების მიერ მოლოდველი ოლიგარქებისთვის, მათ შორის ვლადიმირ პლახოტნიუკისთვის სანქციების დაწესებას.

როგორც გოცირიძემ ჟურნალისტებს განუცხადა, მას შემდეგ, რაც ბიძინა ივანიშვილის ოჯახის წევრები უკრაინამ დაასანქცირა, "ქართული ოცნების" ყოფილი თავმჯდომარე და ექსპრემიერი სანქციებს ამჯერად  ევროკავშირისა და აშშ-სგან უნდა ელოდოს.

"პლახოტნიუკი დიდი ხანია არ არის მოლდოვაში და ის არ მართავს ქვეყანას არაფორმალურად, მაგრამ მიუხედავად ამისა, აგერ, მოჰყვა ამ სიაში, რაც ნიშნავს, რომ არავინ არ გაეკარება მას არც ფინანსურად, არც ეკონომიკურად. მასთან ურთიერთობას წესიერი ბიზნესი არ დაიჭერს. არც ერთ ქვეყანაში მას არ შეუშვებენ, რომელთაც ცივილიზებული დასავლური სამყარო ჰქვია. დაიძრა, ასე ვთქვათ, ეს მატარებელი. ივანიშვილის სანათესავო უკრაინაში უკვე სანქციების ქვეშ არის მოყოლილი. ეს ნიშნავს, რომ შემდგომი ნაბიჯი იქნება ევროკავშირი და ამერიკის შეერთებული შტატები. ამიტომ, დროზე უნდა ჩაეხსნას არაფორმალურ მართვას, ძალაუფლების უზურპაციას", - განაცხადა რომან გოცირიძემ.

ცნობისთვის, აშშ-მა მოლდოველი რუსეთის გავლენის სუბიექტები და ოლიგარქები, მათ შორის ვლადიმირ პლახოტნიუკი და ილან შორი დაასანქცირა. სანქციები, ჯამში, 9 ადამიანსა და 12 სუბიექტს შეეხო.

რაც შეეხება ბიძინა ივანიშვილის ოჯახის წევრებისთვის სანქციების დაწესებას, 20 ოქტომბერს, უკრაინის მიერ სანქცირებულთა სიაში ბიძინა ივანიშვილის დეიდაშვილი, უჩა მამაცაშვილი და მისი შვილი, ტიტე მამაცაშვილი, ასევე ალექსანდრე ივანიშვილი და მისი მეუღლე მოხვდნენ.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა