თბილისის საკრებულოს  5 ოპოზიციური პარტია და დამოუკიდებელი დეპუტატები 31 ოქტომბერს რიგგარეშე სხდომის მოწვევას ითხოვენ. ისინი თბილისის მერს, კახა კალაძეს 11:00 საათზე საკრებულოში იბარებენ. 

როგორც "ერთიანი ნაციონალური მოძრაობის" წევრმა, სოფო ჯაფარიძემ განაცხადა, საკრებულოს ოპოზიციონერი დეპუტატებს აქვთ ბევრი კითხვა თბილისის მერთან და აქვთ მოლოდინი, რომ კახა კალაძე ყველაფერზე გასცემს პასუხს. 

"ჩვენ ქალაქში ცხოვრება აღარ არის ისეთი, როგორიც იყო. ჩვენ გვეშინია, გვაქვს ბევრი კითხვა იმასთან დაკავშირებით, არის თუ არა ჩვენი ქალაქი უსაფრთხო. ფაქტი არის ერთი, ჩვენ დღეს გვაქვს დიდი შიში. ჩვენ საკრებულოს გვაქვს უფლება დავიბაროთ მერი და დავუსვათ ბევრი კითხვა. ნუ დაგვავიწყდება რომ ჩვენ აგვირჩიეს თბილისელებმა და ვალდებული ვართ, მათ შევუქმნათ უსაფრთხო გარემო და მომავალი და ჩვენი მერი, ვალდებულია მოვიდეს და გასცეს ჩვენს კითხვებს პასუხი",- ამბობს სოფო ჯაფარიძე.

პარტია "ლელოს" წევრი, საბა ბუაძე ამბობს, რომ კახა კალაძე არ უნდა გაურბოდეს კითხვებს, რომელიც ვაკის პარკში მომხდარი ტრაგედიის შემდეგ არსებობს.

"სამარცხვინოა ყველა თანამდებობის პირი, რომელიც ტრაგედიის შემდგომ არსებულ კითხვებს გაურბის და იმისთვის რომ გაექცეს კითხვებს - კანონს არღვევს. პოლიციის კორდონის თანხლებით ატარებს თბილისის მთავრობის სხდომას და ამ ფორმითაც არღვევს კანონს, თუმცა ჩვენ უნდა ვიყოთ პირნათელი თბილისელების წინაშე და დავსვათ ის კითხვები, რომელიც არსებობს და ზუსტად ამიტომ თბილისის საკრებულოს სრული შემადგენლობა, 5 ოპოზიციური პარტია და დამოუკიდებელი დეპუტატები ვითხოვთ რიგგარეშე სხდომის მოწვევას, რომელიც გაიმართება 31 ოქტომბერს 11:00 საათზე და ველოდებით, რომ ბატონი კალაძე მოვა, არ შეუშინდება იმ კითხვებს რომელიც არსებობს", - განაცხადა ბუაძემ.

შეგახსენებთ რომ, 13 ოქტომბერს, ვაკის პარკის ახლადგახსნილ შადრევანში 3 მოსწავლეს დენმა დაარტყა. მათგან 13 წლის მარიტა მეფარიშვილი გარდაიცვალა, ორი მოზარდი კი დაშავდა. შინაგან საქმეთა სამინისტრომ მომხდარზე 9 პირი დააკავა. 

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა