დღეს გვაქვს საშუალება, რომ კონსულტაციები გავმართოთ აზერბაიჯანს, სომხეთსა და საქართველოს შორის, თუ სომხეთი მზად იქნება, მზად ვიქნებით, დღესვე დავიწყოთ ეს ფორმატი, - ამის შესახებ საქართველოში ვიზიტით მყოფმა აზერბაიჯანის პრეზიდენტმა, ილჰამ ალიევმა აზერბაიჯანი-საქართველო-სომხეთის დისკუსიისთვის ერთიანი პლატფორმის შექმნასთან დაკავშირებით განაცხადა.

ალიევმმა საქართველოს პრემიერ-მინისტრთან შეხვედრის შემდეგ გამართულ ერთობლივ პრესკონფერენციაზე ყარაბაღის ომზე ისაუბრა და აღნიშნა, რომ სამხრეთ კავკასიაში მშვიდობისთვის, საჭიროა, სომხეთმა აზერბაჯანთან სამშვიდობო შეთანხმებას მოაწეროს ხელი.

"ყარაბაღის ომის შემდეგ, ახალი მდგომარეობა ჩამოყალიბდა. მე ვაცნობე საქართველოს პრემიერ-მინსტრს მიმდინარე სამშვიდობო მოლაპარაკების შესახებ აზერბაიჯანსა და სომხეთს შორის და მიგვაჩნია, რომ ამ კონფლიქტის მოგვარება საჭიროებს აზერბაიჯანისა და სომხეთის მიერ მშვიდობის შეთანხმების ხელმოწერას. ჩვენ ხუთი ძირითადი პრინციპი უკვე გავუზიარეთ სომხეთს და იმედი გვაქვს, რომ სომხეთი პოლიტიკურ ნებას გამოიჩენს და ხელს მოაწერს სამშვიდობო შეთანხმებას აზერბაიჯანთან. თუ ასე მოხდება, სამხრეთ კავკასიაში დაისადგურებს მშვიდობა და ახალი შესაძლებლობები იარსებებს თანამშრომლობისთვის", - განაცხადა ალიევმა.

აზერბაიჯანის პრეზიდენტის თქმით, ირაკლი ღარიბაშვილთან შეხვედრაზე მხარეებმა რეგიონში მიმდინარე მოვლენებსა და უსაფრთხოების საკითხებზეც ისაუბრეს.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა