2022-10-11 18:57:13, 933 ნახვა
პოლიტიკა
რუსეთმა Meta ტერორისტულ ორგანიზაციად გამოაცხადა
რუსეთმა Meta ტერორიზმისა და ექსტრემიზმში ჩართული ორგანიზაციების ჩამონათვალში შეიტანა.
ეს აკრძალვა ახლა ბანკებს ავალდებულებს გაყინონ თანხები ამ სიაში მყოფი კომპანიებისთვის და შეაჩერონ მომსახურება მათ ანგარიშებზე.
21 მარტს მოსკოვის ტვერსკის რაიონულმა სასამართლომ მეტა ექსტრემისტულ ორგანიზაციად აღიარა და განაცხადა, რომ მეტას მენეჯმენტი უკრაინიდან მომხმარებლებს უფლებას აძლევდა მოწოდებულიყვნენ რუსი სამხედროების წინააღმდეგ ძალადობისკენ.
სასამართლომ ამერიკული კომპანიის საჩივარი არ დააკმაყოფილა. მარტის სასამართლოს გადაწყვეტილება არ ეხებოდა WhatsApp მესენჯერს, რომელიც ასევე Meta-ს ეკუთვნის, რადგან ის საჯაროდ არ ავრცელებს ინფორმაციას.
ავტორი: ექსპრესნიუსი,
epn.ge (@expressnews.ge)
