შინაგან საქმეთა მინისტრის მოადგილემ, ალექსანდრე დარახველიძემ გაეროს ბავშვთა ფონდის (UNICEF) ორგანიზებით სექსუალური ძალადობის სავარაუდო მსხვერპლი, მსხვერპლი და დაზარალებული ბავშვებისთვის ფსიქოლოგიურ-სოციალური მომსახურების ცენტრის მხარდასაჭერად მოსამართლეებთან გამართულ სამუშაო შეხვედრაში მიიღო მონაწილეობა.

შეხვედრის მიზანს ფსიქოლოგიურ-სოციალური მომსახურების ცენტრის საქმიანობის პროცესის მიმოხილვა, მიღწეული შედეგებისა და გამოვლენილი გამოწვევების ირგვლივ მსჯელობა წარმოადგენდა.

შინაგან საქმეთა მინისტრის მოადგილემ ღონისძიებაზე მოწვეულ სტუმრებს სიტყვით მიმართა.
როგორც ალექსანდრე დარახველიძემ აღნიშნა, შინაგან საქმეთა სამინისტროსთვის პრიორიტეტულია მართლმსაჯულების სისტემაში მოხვედრილი არასრულწლოვნების უფლებებისა და ინტერესების მაქსიმალური დაცვის უზრუნველყოფა. შესაბამისად, სამინისტროსთვის მნიშვნელოვანია ძალადობის მსხვერპლი ბავშვების მონაწილეობით ჩასატარებელი საგამოძიებო და საპროცესო მოქმედებების მათზე მორგებულ გარემოში განხორციელება.

მინისტრის მოადგილემ განაცხადა, რომ ცენტრში არსებული გარემო ხელს უწყობს არასრულწლოვანთა მართლმსაჯულების კოდექსისა და ბავშვის უფლებათა კოდექსის პრინციპების მაღალი სტანდარტით დაცვას სამართალწარმოების ეტაპზე.

შეხვედრის მონაწილეებს ასევე სიტყვით მიმართეს საქართველოს უზენაესი სასამართლოს თავმჯდომარემ, ნინო ქადაგიძემ, გაეროს ბავშვთა ფონდის წარმომადგენელმა საქართველოში დოქტორმა - ღასან ხალილმა, ესტონეთის ელჩმა საქართველოში - რიინა კალიურანდმა, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ, თამილა ბარკალაიამ და მთავრობის ადმინისტრაციის ადამიანის უფლებათა სამდივნოს მოადგილემ, ელისო შონიამ.

სამუშაო შეხვედრაზე გაეროს ბავშვთა ფონდისა და უწყებების წარმომადგენლებმა ფსიქოლოგიურ-სოციალური მომსახურების ცენტრის მუშაობის პროცესში დაიდენტიფიცირებულ გამოწვევებზე, მათი გადაჭრის სამართლებრივ და პრაქტიკულ ასპექტებზე იმსჯელეს და სამომავლო ნაბიჯებზეც შეთანხმდნენ.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია