2022-09-27 18:26:33, 1050 ნახვა
პოლიტიკა
ვახტანგ გომელაური ირანის ისლამური რესპუბლიკის ახლად დანიშნულ ელჩს შეხვდა
საქართველოს შინაგან საქმეთა მინისტრმა, ვახტანგ გომელაურმა საქართველოში ირანის ისლამური რესპუბლიკის ახლად დანიშნულ საგანგებო და სრულუფლებიან ელჩთან, მაჰმუდ ადიბთან გაცნობითი ხასიათის შეხვედრა გამართა. მინისტრმა ელჩს თანამდებობაზე დანიშვნა მიულოცა და სამომავლო საქმიანობაში წარმატება უსურვა. აღნიშნულ ინფორმაციას შინაგან საქმეთა სამინისტრო ავრცელებს.
უწყების ცნობით, შეხვედრაზე მხარეებმა ხაზი გაუსვეს სამართალდაცვით სფეროში ორი ქვეყნის უწყებებს შორის არსებული თანამშრომლობის მნიშვნელობას და იმედი გამოთქვეს, რომ ერთობლივი ძალისხმევით აღნიშნული თანამშრომლობა მომავალში კიდევ უფრო გაღრმავდება.
ავტორი: NS (სტატია დაფინანსებულია),
epn.ge (@expressnews.ge)
