საბაჟო და სასაზღვრო კონტროლი მიმდინარეობს დადგენილი წესების შესაბამისად, - აღნიშნა ფინანსთა მინისტრმა, ლაშა ხუციშვილმა, მთავრობის სხდომის შემდეგ გამართულ ბრიფინგზე.

მისი თქმით, ფინანსთა სამინისტროს შემოსავლების სამსახურის საბაჟო დეპარტამენტი შექმნილი ვითარებიდან გამომდინარე, განსაკუთრებული დატვირთვის პირობებში მუშაობს.

„ყველა ვხედავთ, რომ ქვეყანაში გაზრდილია, როგორც შემომსვლელთა, ისე ქვეყნიდან გამსვლელთა რაოდენობა. თითოეული უწყება, რომელიც პასუხისმგებელია საზღვრის კვეთაზე მუშაობს ძალიან აქტიურად. ბუნებრივია, გაზრდილი ნაკადებიდან გამომდინარე, უფრო მეტი დატვირთვით, ვიდრე ეს აქამდე ხორციელდებოდა. საბაჟო და სასაზღვრო კონტროლი ხორციელდება იმ წესების მიხედვით, რა წესებიც არის დადგენილი. ეს ნიშნავს, რომ გამშვებ პუნქტებზე ხორციელდება შესაბამისი ანალიზი და მხოლოდ ამის შემდეგ ხდება გადაწყვეტილების მიღება, ამა თუ იმ პირთან მიმართებით. შესაბამისად, ცვლილება არის  ის, რომ გაიზარდა დატვირთვა ყველა იმ უწყების, რომელიც აქტიურად აკონტროლებს საზღვრის კვეთის მაჩვენებელს და პასუხისმგებელია, როგორც უსაფრთხოებაზე, ასევე, ფისკალურ წესრიგზე, ქვეყნის ფისკალურ უსაფრთხოებაზე", - განაცხადა ფინანსთა მინისტრმა, ლაშა ხუციშვილმა.

ავტორი: NS (სტატია დაფინანსებულია),

სოციალური ქსელები

კიევში, რუსული დაბომბვის გამო, მეტრო და ტრამვაი ერთ კვირაში მეორედ გაჩერდა

აშშ-მ და უკრაინამ მაიამიში მიმდინარე მოლაპარაკებები შეაჩერეს

სტიყვები რომელიც რეჟიმმა მედიას აუკრძალა - „ ექსპრესნიუსი“ ყველა დაცენზორებულ სიტყვას გამოიყენებს

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ