2022-09-19 12:19:53, 986 ნახვა
პოლიტიკა
ჯუანშერ ბურჭულაძე სომხეთის ახალ ელჩს შეხვდა
საქართველოს თავდაცვის მინისტრმა საქართველოში სომხეთის რესპუბლიკის ახალ ელჩს თავდაცვის სამინისტროში უმაპინძლა. ამის შესახებ ინფორმაციას თავდაცვის უწყება ავრცელებს.
როგორც სამინისტროს ინფორმაციაშია ნათქვამი, ჯუანშერ ბურჭულაძემ აშოტ სმბატიანს ახალ თანამდებობაზე დანიშვნა მიულოცა და წარმატებები უსურვა.
გაცნობითი ხასიათის შეხვედრაზე მხარეებმა საქართველოსა და სომხეთს შორის კეთილმეზობლურ და მეგობრულ ურთიერთობებზე ისაუბრეს. აღინიშნა, რომ საქართველო დაბალანსებულ პოლიტიკას უჭერს მხარს, რაც რეგიონში სტაბილურობას უწყობს ხელს. შეხვედრაზე ორი ქვეყნის თავდაცვის უწყებებს შორის ორმხრივი თანამშრომლობის მიმდინარე საკითხები და სამომავლო გეგმებიც განიხილეს.
ავტორი: NS (სტატია დაფინანსებულია),
epn.ge (@expressnews.ge)
