საქართველოსა და გერმანიის ურთიერთობები მჭიდრო და მრავალმხრივია. - ამის შესახებ გერმანიის კანცლერმა ოლაფ შოლციმ ირაკლი ღარიბაშვილთან შეხვედრის დროს განაცხადა.

მისივე თქმით, მათთვის მნიშვნელოვანია ენერგეტიკული თანამშრომლობა.

"ჩვენი ორმხრივი ურთიერთობები მჭიდრო და მრავალმხრივია. ისინი ფარავენ მთელ სპექტრს ეკონომიკის, ეკოლოგიის, ენერგეტიკის და კულტურის. გვიხარია, რომ საქართველოში არსებობს ძალიან დიდი ინტერესი გერმანული ენის და აკადემიური გაცვლის მიმართ და ასევე, როგორც ორმხრივი პარტნიორი, საქართველო ჩვენთვის მნიშვნელოვანი პარტნიორია განვითარების პოლიტიკის თვალსაზრისით. 
რუსეთის აგრესია უკრაინაზე არის ამ წლის მთავარი მოვლენა. გერმანია მხარში უდგას უკრაინას, ეხმარება მას სამხედრო, პოლიტიკური, ჰუმანიტარული და ეკონომიკური თვალსაზრისით.
საქართველოს თვითონ აქვს რუსული აგრესიის სამწუხარო გამოცდილება. 2008 წელს დაესხნენ მას თავს და მას შემდეგ საქართველოს ტერიტორიის ნაწილები რუსეთის კონტროლის ქვეშაა. უცვლელად, ფედერალური მთავრობა საქართველოს ტერიტორიულ მთლიანობას და სუვერენიტეტს მხარს უჭერს მისი საერთაშორისოდ აღიარებული საზღვრების ფარგლებში.
კარგია, რომ საქართველომ მხარი დაუჭირა გაეროს რეზოლუციას, რომელმაც დაგმო რუსეთის აგრესია და ასევე გამოაცხადა, რომ ის ხელს შეუშლის ყველანაირ მცდელობას რუსეთის მიმართ დაწესებული სანქციებისთვის თავის არიდებისა. ჩვენთვის მნიშვნელოვანია ენერგეტიკული თანამშრომლობა საქართველოსთან ერთად". - ნათქვამია განცხადებაში.

შეგახსენებთ, რომ დღეს ირაკლი ღარიბაშვილსა და ოლაფ შოლცს შორის შეხვედრა მიმდინარეობს.

ავტორი: ექსპრესნიუსი,

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს