„ბაზისბანკმა“, შეღავათიანი აგროკრედიტის პროგრამის ფარგლებში, გორის რაიონის სოფელ ძევერასა და მარანაში ვაშლის ბაღების გასაშენებლად მნიშვნელოვანი ინვესტიცია განახორციელა.

პროექტის ჯამური ღირებულება 2.5 მილიონი ლარია, აქედან „ბაზისბანკის“ მიერ განხორციელებული ინვესტიციის მოცულობამ 1 მილიონ ლარზე მეტი შეადგინა. მსესხებლებმა ასევე ისარგებლეს სახელმწიფო პროექტის, „დანერგე მომავალი“ თანადაფინანსებით.

„მარანას ბაღსა“ და „ძევერას ბაღში“ თანამედროვე, ინტენსიური ტიპის ვაშლის ბაღები ჯამურად 14 ჰექტარ ფართობზე გაშენდა, საიდანაც ერთ ჰექტარზე დაახლოებით 4000-მდე ვაშლის ნერგი დაირგო. უკვე წელს, ბაღის მოსავლიანობა 70 ტონას მიაღწევს და პროდუქციის რეალიზება სრულად მოხდება ქართულ ბაზარზე. მომავალში, მოსავლიანობის ზრდასთან ერთად, დაგეგმილია პროდუქციის რეალიზაცია უცხოურ ბაზრებზე. ბაღებში ადგილობრივი მოსახლეობაა დასაქმებული.

ბაღებში სრულად არის გამართული თანამედროვე სარწყავი სისტემები, ხოლო ამ ეტაპზე სეტყვისგან დამცავი ბადისა და მისი საყრდენი სისტემების მონტაჟი მიმდინარეობს.

„ყოველთვის მზად ვართ მხარი დავუჭიროთ და მნიშვნელოვანი წვლილი შევიტანოთ აგრო მეწარმეობის განვითარებაში, რაც თავის მხრივ, ხელს უწყობს ქვეყანაში ბიზნესის გაძლიერებასა და ეკონომიკის განვითარებას. გვჯერა, რომ „ბაზისბანკის“ ფინანსური ჩართულობა წარმატებული იქნება და ჩვენი პარტნიორობა გაფართოების კიდევ მეტ შესაძლებლობას მისცემს მეწარმეებს. მუდმივად ჩართული ვართ აგროსექტორის განვითარებაში და ფინანსური დახმარებას ვუწევთ სოფლის მეურნეობის სექტორს ყველა მიმართულებით“, - აღნიშნა „ბაზისბანკის“ კომერციულმა დირექტორმა, გიორგი გაბუნიამ.

ავტორი: NS (სტატია დაფინანსებულია),

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა