,,არსებობს ერთი პარტია ნაცმოძრაობა, რომელიც იყოფა, ნაცმოძრაობად, ლელოდ, სტრატეგია აღმაშენებლად, რეალურად ეს არის ერთი ბირთვი, რომელიც ყველაფერს აკეთებს საქართველოს დაზიანებისათვის. მე ვერ წარმომიდგენია, ამდენი ფეიკის საფუძველზე, ამდენი ყალბი, პოპულისტური შუამდგომლობის დაყენება მხოლოდ და მხოლოდ იმისათვის, რომ დაზიანდეს ,,ქართული ოცნება,’’ ოღონდ სახელმწიფოს დაზიანების ხარჯზე,’’- ამის შესახებ ,,ქართული ოცნების’’ აღმასრულებელმა მდივანმა მამუკა მდინარაძემ განაცხადა. 

როგორც მამუკა მდინარაძემ აღნიშნა უსამშობლო ადამიანებით დაკომპლექტებული ომის და ღალატის პარტია ვერასოდეს მიაღწევს წარმატებას. მისი თქმით, საქართველოს მტრობაში არავის გაუმარჯვია, რადგან ყოველთვის  საქართველო იმარჯებს . 

,,რასაც ეს ხალხი და მათი პატრონები აკეთებენ ეს იწვევს ჩვენი ქვეყნის და საქართველოს მოქალაქის იმიჯის დაზიანებას, მსოფლიოს ძალიან ბევრი ხალხის თვალში. მათი ეს ისტერია, რაც ქვეყნის შიგნით არის და მერე გააქვთ ქვეყნის გარეთ, იწვევს საქართველოს დაზიანებას,  არ ერიდებიან, ოღონდ დააზიანონ ,,ქართული ოცნება’’ და ამას მიყვება ქართული სახელმწიფოც. ეს არის საქართველოს მტრობა და სწორედ, ამიტომ ვეძახით ჩვენ მათ უსამშობლო ადამიანებს. უსამშობლო ადამიანებით დაკომპლექტებული ომის და ღალატის პარტია ვერასოდეს წარმატებას ვერ მიაღწევს, არათუ ამ რაღაც მიკრო თემებში, არამედ ვერცერთ დიდი თემაში. ამის პირობას ვაძლევთ იქიდან გამომდინარე, რომ საქართველოს მტრობაში არავის გაუმარჯვია - საბოლოოდ ეს ქვეყანა იმარჯვებს ხოლმე. აქ არ არის საუბარი ,,ქართული ოცნებაზე,’’ მმართველ გუნდზე და მოსახლეობის ნახევარზე, რომელიც ჩვენ გვიჭერს მხარს და ა.შ. აქ არის საუბარი საქართველოზე და მის ეროვნულ ინტერესებზე. ეროვნული ინტერესები არ დამარცხდება, ამას უნდა შეეგუონ და სისულელეებს დაანებონ თავი,’’- განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა