პირველად არ ხდება, როცა საზღვარზე პრობლემები მექმნება, ომის შემდეგ, რამდენჯერაც ჩამოვედი, ნახევარი საათი საზღვარზე მაჩერებდნენ, - საქართველოში კიდევ ერთი პუტინის რეჟიმის მოწინააღმდეგე ჟურნალისტი არ შემოუშვეს.

რუსული გამოცემა "ნუჟნა პომოშისა" და "ტაკიე დელას" დამფუძნებელი, მიტია ალეშკოვსკი აცხადებს, რომ ქვეყანაში არ შეშვების მიზეზი პოლიტიკურია. 

"მე არ მომცეს არანაირი ახსნა განმარტება, თუ რატომ არ მიშვებდნენ საქართველოში. არანაირი დოკუმენტი არ მომცეს, პასპორტიც კი იმ ავიაკომპანიის თანამშრომელს გადასცეს, რომლითაც სომხეთში მიშვებდნენ, პირველად არ ხდება, როცა საზღვარზე პრობლემები მექმნება. ომის შემდეგ, რამდენჯერაც საქართველოში ჩამოვედი, ნახევარი საათი საზღვარზე მაჩერებდნენ. მე საქართველოში ომამდე ვცხოვრობდი. ბევრი წელია უკვე საქართველოში ვცხოვრობ. ჩემს საქართველოში არშემოშვებას ჩემს პოლიტიკურ ხედვას ვუკავშირებ, რუსეთსა და უკრაინაში მიმდინარე ომთან დაკავშირებით, რადგან ომამდე მე საქართველოში შემოსვლაზე პრობლემა არ მქონია. ცოტა ხნის წინ რუსეთში აგენტადაც შემრაცხეს, თუმცა მე არ ვარ პოლიტიკოსი და პოლიტიკური ცხოვრებით არასდროს ვყოფილვარ დაკავებული. შევეცდები დავბრუნდე საქართველოში, იმედი მაქვს გამომივა დაბრუნება ჩემს ოჯახთან",- ამბობს ალეშკოვსკი.

აღსანიშნავია, რომ ეს არ არის პირველი შემთხვევა, როდესაც რუსეთის პოლიტიკის მოწინააღმდეგეს საზღვართან აყოვნებენ და დეპორტს ურტყამენ. აღნიშნული ფაქტი დაფიქსირდა რუს ბლოგერ ინსა ოგუზთან მიმართებაშიც და რუს ბლოგერ, ალექსეი რომანოვთან. 

ავტორი: ექსპრესნიუსი,

სოციალური ქსელები

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა