ეკონომიკისა და მდგრადი განვითარების მინისტრის, ლევან დავითაშვილის განცხადებით, ბორჯომის ხეობაში გაჩენილი ხანძრის მეტ გავრცელებას არ ელოდებიან, რადგან მაქსიმალურად მობილიზებულია ყველა შესაძლო საშუალება იმისთვის, რომ ხანძარი დროულად ოპერატიულად მოექცეს კონტროლქვეშ.  

როგორც დავითაშვილმა ჟურნალისტებთან საუბრისას განაცხადა, ხანძრით გამოწვეულ ზარალზე საუბარი ჯერ ნაადრევია.

"გამომდინარე იმ მაღალი ტემპერატურისა, რაც ქვეყანაში არის და უპრეცედენტოდ გვავლიანი სეზონისა, თვეების განმავლობაში ჩვენ აღმოსავლეთ საქართველოში არ გვქონდა ნალექი. შესაბამისად, უფრო რისკიანი ამ კუთხით არის წიწოვანი ტყეები და რთული ხანძრის კონტროლში მოსაქცევად. 

რაც შეეხება ზარალთან დაკავშირებით, ჯერ ნაადრევია ვისაუბროთ. პირველად ხანძარი გავრცელდა ტყის ქვედა ფენებში და ნაკლები იყო მცენარეების დაზიანება. პრინციპში, ჩვენ მეტ გავრცელებას, ალბათ, არ ველოდებით, რადგან მაქსიმალურად მობილიზებულია ყველა შესაძლო საშუალება იმისთვის, რომ ხანძარი დროულად ოპერატიულად მოექცეს კონტროლქვეშ. 

რაც შეეხება იმას, რატომ ვერ ხერხდება და რა იყო მიზეზები - მიზეზს, რა თქმა უნდა, გამოძიება დაადგენს, თუმცა აქ გასაკვირი ძალიან რთულია რამე იყოს, ეს არის მაღალი ტემპერატურები, ზაფხულის სეზონი. აგვისტოს ბოლო პერიოდია ყველაზე სარისკო პერიოდები. წინა ხანძრები, როდესაც გვქონდა ხანძრების სეზონი ქვეყანაში ეს იყო ამ პერიოდში.

გადავხედოთ მთელ ევროპას და მთელ კონტინენტს, იგივე და ბევრად უფრო მასშტაბური პრობლემებია. დაცული ტერიტორიების 10% ერთ თვეში დაკარგა პორტუგალიამ",- განაცხადა დავითაშვილმა. 

ავტორი: ექსპრესნიუსი,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა