ხანძრის ქრობის პროცესს კლიმატური პირობები ართულებს,- ამის შესახებ საგანგებო სიტუაციების მართვის სამსახურის სახანძრო-სამაშველო ძალების დეპარტამენტის უფროსმა, დავით სუხიშვილმა განაცხადა.

მისივე თქმით, ხანძრის ქრობის პროცესისთვის მობილიზებულია 250-მდე მეხანძრე მაშველი და სამი ვერტმფრენი.

„ბორჯომის მუნიციპალიტეტში ტყის ხანძრის ქრობას ართულებს  კლიმატური პირობები. ამ დროისთვის ადგილზე მობილიზებულია სასაზღვრო პოლიციის სამი ვერტმფრენი, რომელიც ძლიერი ქარის ჩადგომისთანავე განაახლებს ხანძრის ქრობის სამუშაოებს. გაზრდილია ასევე მეხანძრე მაშველთა რიცხოვნობა და 250-მდე მეხანძრე მაშველის მობილიზება ხდება. ასევე ადგილზე გვაქვს შესაბამისი აღჭურვილობა და ვმუშაობთ ხანძრის ჩასაქრობად", - განაცხადა დავით სუხიშვილმა.

შეგახსენებთ, რომ ბორჯომის ტყეში ხანძრის ახალი კერა გაჩნდა.

ადგილობრივების ცნობით, სოფელ ქვაბისხევის შემდეგ, ცეცხლი უკვე სოფელ დვირის მახლობლადაც გაჩნდა. 

ამასთან, ბორჯომში ტყე უკვე მესამე დღეა იწვის. 

ავტორი: ექსპრესნიუსი,

სოციალური ქსელები

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს

ნინო სუხიშვილი მიმართვას ავრცელებს

მიქაუტაძე ამბობს, რომ ბიზნესმენებისგან აღებული ფული გრიგოლ ლილუაშვილთან მიჰქონდა