VTB BANK Georgia-ს ბიზნესმენი დავით ხიდაშელი ყიდულობს. ამის შესახებ BMG-სთვის გახდა ცნობილი.აღსანიშნავია, რომ დავით ხიდაშელი 2013 წლიდან 2022 წლის აპრილის ჩათვლით რუსი ოლიგარქის, ვლადიმერ ევტუშენკოვის AFK Sistema-ს ერთ-ერთ შვილობილ კომპანია Intracom Telecom-ს ხელმძღვანელობდა. ასევე ეკავა ვიცე-პრეზიდენტის პოსტი. ცნობილია ასევე, რომ მან მარტში გამართულ აუქციონზე “რიყის დოქები” 10 მილიონ ლარად შეისყიდა.

გარდა ამისა, მისი სახელი უკავშირდება რაჭაში ტყის მასივის იჯარით აღებას. კერძოდ, რამდენიმე თვის წინ ბიზნესმენმა ხიდაშელმა დაადასტურა, რომ მისმა კომპანია „ეიჩ ჯი კაპრა კაუკასიკამ” რაჭაში 1,047 კვადრატული კილომეტრის ტყის მასივი, 1.1 მილიონ ლარად, 49-წლიანი იჯარით აიღო. აღნიშნული მასივი რაჭის ფართობის ერთი მესამედია. როგორც მაშინ გახდა ცნობილი, ბიზნესმენი ტყის მასივში საერთაშორისო სტანდარტის შესაბამის სანადირო მეურნეობის მოწყობას გეგმავს.

შეგახსენებთ, რუსეთისთვის საერთაშორისო სანქციების დაწესებიდან მალევე, საქართველოში VTB ბანკმა საკუთარი აქტივების უდიდესი ნაწილი გაასხვისა. კერძოდ, "ლიბერთი ბანკს" გადასცა SME პორტფელი და კლიენტთა ბაზა, ხოლო "ბაზის ბანკს" VTB ბანკის საცალო კლიენტები, ასევე საფილიალო ქსელი თბილისსა და რეგიონებში. ამ გარიგებების შედეგად, ბანკის აქტივები 1.6 მილიარდი ლარით, 500 მილიონ ლარამდე შემცირდა.

ამ დრომდე უცნობი იყო, ვინ იყიდდა “ვითიბის” ლიცენზიას და მასში დარჩენილ აქტივებს. როგორც რამდენიმე დღის წინ საქართველოს ეროვნული ბანკის ვიცე-პრეზიდენტმა, პაპუნა ლეჟავამ BMG TV-ის ეთერში განაცხადა, VTB ბანკის გაყიდვა საერთაშორისო სანქციების რეჟიმთან შესაბამისობაში იქნება.

ავტორი: ექსპრესნიუსი,

სოციალური ქსელები

ლილო მოლის ტერიტორიაზე ხანძარია

ჯო ბაიდენი - 100 დღეზე ნაკლებ დროში ახალმა ადმინისტრაციამ იმდენი ზიანი და ნგრევა გამოიწვია

მარკ რუტე - უკრაინის ნატო-ში გაწევრიანება შეუქცევადია

ნიკა მელია - ნახევარი ოპოზიციური პარტიები სერიოზულად ფიქრობენ ადგილობრივ არჩევნებზე გასვლას