საგანგებო სიტუაციების კოორდინაციისა და გადაუდებელი დახმარების ექიმების, ექთნებისა და მძღოლების საკვალიფიკაციო გამოცდები დაიწყო. ამის შესახევ ინფორმაციას ჯანდაცვის სამინისტრო ავრცელებს. 

გამოცდები როგორც თეორიულ, ისე - პრაქტიკული ნაწილს მოიცავს. სასწრაფო სამედიცინო დახმარების ეკიპაჟის წევრები სავალდებულო საკვალიფიკაციო გამოცდებს 2 წელიწადში ერთხელ აბარებენ, მანამდე კი, საგანმანათლებლო ცენტრში, მოსამზადებელ ტრენინგებს ესწრებიან. 

საგანგებო სიტუაციების კოორდინაციისა და გადაუდებელი დახმარების ცენტრში ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი იმყოფებოდა. ზურაბ აზარაშვილმა გადაუდებელი დახმარების თანამშრომლებს წარმატებები უსურვა. მინისტრმა, მოადგილე ილია ღუდუშაურთან, საგანგებო სიტუაციების კოორდინაციისა და გადაუდებელი დახმარების ცენტრის ხელმძღვანელ ალექსანდრე კუტიბაშვილი ერთად, ცენტრში მიმდინარე პროექტები და არსებული გამოწვევები განიხილა. 
როგორც ზურაბ აზარაშვილმა აღნიშნა, კლინიკებსა და სასწრაფო სამედიცინო დახმარების ბრიგადებში მომსახურების ხარისხის გაზრდა სამინისტროს პრიორიტეტია. ჯანდაცვის მინისტრმა ახალ პროექტზეც ისაუბრა, რომლის მიხედვითაც პარამედიკოსები სამედიცინო მოტოციკლით შეძლებენ გადაადგილებას, რაც გადაუდებელ სამედიცინო მომსახურებას უფრო ოპერატიულს და ეფექტურს გახდის.

ავტორი: NS (სტატია დაფინანსებულია),

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს