შინაგან საქმეთა სამინისტროს სხვადასხვა დანაყოფის წარმომადგენლებმა მონაწილეობა მიიღეს აშშ-ის თავდაცვის საფრთხის შემცირების სააგენტოს (DTRA) მიერ ორგანიზებულ უწყებათაშორის სემინარში - "საქართველოს ეროვნული რეაგირების ჩარჩო".

სწავლების დახურვის ღონისძიებას ესწრებოდნენ შინაგან საქმეთა მინისტრის მოადგილე - იოსებ ჭელიძე, ამერიკის შეერთებული შტატების ელჩი საქართველოში - კელი დეგნანი და სახელმწიფო უსაფრთხოების სამსახურის უფროსის მოადგილე - გიგა ნიკოლეიშვილი და სხვადასხვა უწყების ხელმძღვანელი პირები, რომლებმაც მონაწილეებს კურსის წარმატებით გავლის დამადასტურებელი სერტიფიკატები გადასცეს.
შინაგან საქმეთა სამინისტროს თანამშრომლების გარდა, სემინარში ასევე მონაწილეობდნენ: თავდაცვის სამინისტროს, შრომის, ჯანმრთელობისა და სოციალური დაცვის სამინისტროს, საგარეო საქმეთა სამინისტროს, საქართველოს პროკურატურის, სახელმწიფო უსაფრთხოების სამსახურის, ეროვნული უსაფრთხოების საბჭოს და ფინანსთა სამინისტროს წარმომადგენლები.

ხუთდღიანი სწავლება ქბრბ უსაფრთხოებისა და თანამშრომლობის პროგრამის (CSCEP) ფარგლებში ჩატარდა. ტრენინგი მიზნად ისახავდა საგანგებო სიტუაციების დროს უწყებათშორისი კოორდინაციის მექანიზმების დახვეწას, ინციდენტებზე რეაგირების, რისკების შეფასებისა და მასთან ასოცირებული პროცედურების შესახებ ამერიკული გამოცდილების გაზიარებას. კურსს აშშ-ის თავდაცვის საფრთხის შემცირების სააგენტოს მიერ მოწვეული ამერიკელი ექსპერტები უძღვებოდნენ.

სწავლების ფარგლებში, მონაწილეებმა განიხილეს ისეთი მნიშვნელოვანი საკითხები, როგორიცაა: საგანგებო სიტუაციებზე პირველადი მორეაგირე უწყებების როლი და პასუხისმგებლობები, საგანგებო სიტუაციების მართვის ორგანიზაციული მოდელები, ფართომასშტაბიანი ინციდენტების მართვა, უწყებათშორისი კოორდინაციის გაუმჯობესება და სხვ.

შინაგან საქმეთა სამინისტრო აშშ-ის თავდაცვის დეპარტამენტის საფრთხეების შემცირების სააგენტოსთან (DTRA) მრავალი წელია აქტიურად თანამშრომლობს ქბრბ ინციდენტებზე რეაგირების ჯგუფების შესაძლებლობების გაუმჯობესების მიმართულებით. სააგენტოს აქტიური მხარდაჭერით არაერთი პროექტი განხორციელდა, რომლებიც ითვალისწინებდა შინაგან საქმეთა სამინისტროს ინფრასტრუქტურის განვითარებას, ტექნიკურ აღჭურვასა და უწყების შესაძლებლობების გაუმჯობესებას.

ავტორი: NS (სტატია დაფინანსებულია),

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს